नव्याने आलेल्या १२ पोलिस निरीक्षकांना पोलिस ठाण्यांचा पदभार

सिडकोच्या निरीक्षकपदी अतुल येरमे, तर क्रांतीचौकला सुनिल माने

छत्रपती संभाजीनगर : लोकसभा निवडणुकीच्या पार्श्वभूमीवर राज्यभरात पोलिस विभागांच्या बदल्यानंतर अखेर शहरात १२ नवे पोलिस निरीक्षक रूजू झाले आहेत. त्यांच्यावर पोलिस आयुक्त मनोज लोहिया यांनी ९ पोलिस ठाणे व तीन शाखांचा पदभार सोपवला. त्यात प्रामुख्याने सिडको पोलिस ठाण्याच्या निरीक्षकपदी अतुल येरमे, तर क्रांती चौक पोलिस ठाण्याच्या निरीक्षकपदी सुनील माने यांना नियुक्त करण्यात आले आहे.

लोकसभा निवडणुकीच्या पार्श्वभूमीवर १२ डिसेंबरला निवडणूक आयोगाने एका मतदारसंघात तीन वर्षे पूर्ण झालेले व स्थानिक अधिकाऱ्यांच्या बदल्यांचे आदेश जारी केले होते. त्यामुळे राज्य पोलिस विभागात अनेक संभ्रम निर्माण होऊन आक्षेप घेतले गेले. नुकतेच पोलिस महासंचालक कार्यालयाने बदल्या झालेल्यांपैकी ६० अधिकाऱ्यांच्या बदल्या करत त्यांना पुन्हा पूर्वीच्या जागी नियुक्त केले. त्यानंतर आता अंतिमत: १२ पोलिस निरीक्षक शहरात रूजू झाले आहेत.

अधिकारी             - कुठून - कुठे (पोलिस ठाणे)
गजानन कल्याणकर नागपूर शहर            सायबर
अशोक भंडारे             नागपूर शहर वाहतूक विभाग (छावणी)
सुनील माने             पुणे शहर             क्रांती चौक
सुरज बंडगर             पुणे शहर             जवाहरनगर
मंगेश जगताप             पुणे शहर             बेगमपुरा
सोमनाथ जाधव             पुणे शहर             उस्मानपुरा
राजेंद्र सहाणे             पुणे शहर             वाळूज
जयंत राजुरकर             पुणे शहर             एम. वाळूज (दुय्यम निरीक्षक)
दादासाहेब चुडप्पा पुणे शहर             हायकोर्ट सुरक्षा
अतुल येरमे             मुंबई शहर             सिडको
संग्राम ताटे             मुुंबई शहर             मनपा अतिक्रमण विभाग
पवन चौधरी             नाशिक शहर क्रांती चौक (दुय्यम निरीक्षक)