वेतन प्रमाणपत्रासाठी स्वीकारली लाच

अंतिम वेतन प्रमाणपत्र देण्यासाठी शिक्षकाकडून दोन हजारांची लाच स्वीकारणाºया येथील गटशिक्षणाधिकारी कार्यालयातील वरिष्ठ सहायक व शिपायावर लाचलुचपत विभागाने मंगळवारी कारवाई केली

लोकमत न्यूज नेटवर्क
जालना : अंतिम वेतन प्रमाणपत्र देण्यासाठी शिक्षकाकडून दोन हजारांची लाच स्वीकारणाºया येथील गटशिक्षणाधिकारी कार्यालयातील वरिष्ठ सहायक व शिपायावर लाचलुचपत विभागाने मंगळवारी कारवाई केली. मनोहर देवराव शेळके (५६) व पवन रमेश नलावडे (२५) अशी लाच स्वीकारणाºया दोघांची नावे आहेत.
यातील तक्रारदार शिक्षक असून, त्यांची जुलैमध्ये जालन्याहून पुण्याला बदली झाली आहे. त्यांचे सेवापुस्तक व अंतिम वेतन प्रमाणपत्र जालना कार्यालयाने पुणे कार्यालयास न पाठविल्याने वेतनात अडचणी येत होत्या. तक्रारदारांनी येथील गटशिक्षणाधिकारी कार्यालयातील वरिष्ठ सहायक मनोहर शेळके यांची भेट घेऊन सेवापुस्तक व अंतिम वेतन प्रमाणपत्र देण्याबाबत विनंती केली. या कामासाठी शेळके याने चार हजारांची लाच मागितली.