... तर ६९ आकडेबहाद्दरांवर फौजदारी होणार

: विद्युत वितरण कंपनीकडून सध्या वीजचोरी करणाºयांविरूद्ध धडक मोहीम सुरू आहे. शहर व ग्रामीण भागात पथके तैनात करण्यात आली असून वीजचोरी करणाºयांवर कारवाई केली जात आहे. २४ आॅगस्ट रोजी महावितरणने सात गावांत जाऊन ६९ आकडेबहाद्दर पकडले. त्यांनी दंड न भरल्यास थेट फौजदारी होणार आहे.

लोकमत न्यूज नेटवर्क
हिंगोली : विद्युत वितरण कंपनीकडून सध्या वीजचोरी करणाºयांविरूद्ध धडक मोहीम सुरू आहे. शहर व ग्रामीण भागात पथके तैनात करण्यात आली असून वीजचोरी करणाºयांवर कारवाई केली जात आहे. २४ आॅगस्ट रोजी महावितरणने सात गावांत जाऊन ६९ आकडेबहाद्दर पकडले. त्यांनी दंड न भरल्यास थेट फौजदारी होणार आहे.
जिल्ह्यात वीजचोरीचे वाढते प्रमाण व त्यामुळे होणारा इतरांना त्रास डोकेदुखी ठरत आहे. ग्रामीण भागात तर अनेकवेळा आकडे टाकताना अचानक विजपुरवठा खंडित होतो. त्यामुळे रात्रभर वीज खंडित असते. मागील चार दिवसांपासून महावितरणने वीजचोरी करणाºया आकडेबहाद्दरांविरूद्ध मोहीम हाती घेतली आहे. जिल्हाभरात आता मोहीम राबविली जाणार आहे. वीजचोरीमुळे महावितरणचे होणारे नुकसान व खोळंबणाºया वीजपुरवठ्यामुळे आता वीजचोरी करणाºयांवर महावितरणकडून फौजदारी गुन्हे दाखल केले जाणार आहेत. कोणाचीही गय केली जाणार नाही, अशी माहिती कार्यकारी अभियंता शांतीलाल चौधरी यांनी दिली.
...तर कारवाईतून सुटका - वीजचोरी प्रकरणातील कारवाई करयण्यात आलेल्यांनी जर महावितरणकडे येऊन दंड भरल्यास फौजदारी कारवाईतून सुटका करता येईल. परत वीजचोरी करणार नाही, असे पत्रही संबधितांकडून भरून घेतले जाणार असल्याची माहिती आहे. दंड भरणाºयांचीच कारवाईतून सुटका करून होईल, असेही महावितरणकडून सांगण्यात आले.