बळीराम पाटील, एसएफएस संघ विजयी

जिल्हा क्रिकेट संघटनेच्या मैदानावर सुरूअसलेल्या आंतरशालेय व्हेरॉक करंडक क्रिकेट स्पर्धेत बळीराम पाटील, एस. एफ. एस., सेंट झेव्हियर्स संघ विजयी ठरले.

औरंगाबाद : जिल्हा क्रिकेट संघटनेच्या मैदानावर सुरूअसलेल्या आंतरशालेय व्हेरॉक करंडक क्रिकेट स्पर्धेत बळीराम पाटील, एस. एफ. एस., सेंट झेव्हियर्स संघ विजयी ठरले.
सकाळच्या सत्रातील पहिल्या लढतीत एसएफएसने स्टेपिंग स्टोन संघाविरुद्ध १५ षटकांत ९ बाद ८९ धावा केल्या. त्यांच्याकडून अजय सावंतने सर्वाधिक २४ व जतीन कोळीने १३ धावा केल्या. स्टेपिंग स्टोन संघाकडून मंथन पाटीलने १२ धावांत ३ गडी बाद केले. प्रत्युत्तरात स्टेपिंग स्टोन संघाने १५ षटकांत ७ बाद ८९ धावा केल्या. दोन्ही संघांच्या समान धावा झाल्यानंतर सुपर ओव्हर लढतीत एसएफएस संघाने विजय मिळवला. सुपर ओव्हरमध्ये स्टेपिंग स्टोनने ९ तर एसएफएसने १२ धावा केल्या. दुसºया लढतीत बळीराम पाटील संघाने १५ षटकांत ८ बाद १0६ धावा केल्या. त्यांच्याकडून इरफान पठाण याने ६ चौकारांसह ४१ धावा केल्या. नागसेन विद्यालयाकडून सूरज साळवे व पवन चव्हाण यांनी प्रत्येकी २ गडी बाद केले. प्रत्युत्तरात नागसेन विद्यालयाचा संघ ७0 धावांत सर्वबाद झाला. त्यांच्याकडून कृष्णा वाघमारेने २0 व सूरज साळवे याने १४ धावा केल्या. बळीराम पाटील संघाकडून ऋतुराज विधाते याने ९ धावांत ४ गडी बाद केले. मोबीन पठाण व इरफान पठाण यांनी प्रत्येकी २ गडी बाद केले. तिसºया सामन्यात सेंट झेव्हियर्सने सेंट मोनिका संघाला ९ बाद ६३ धावांत रोखताना विजयी लक्ष्य ६.१ षटकांत एकही गडी न गमावता पूर्ण केले. त्यांच्याकडून भूषण पाटील याने ५ चौकारांसह नाबाद ३0 व अथर्व जाधवने नाबाद २0 धावा केल्या गोलंदाजीत कौस्तुभ गाययकवाडने ८ धावांत ३ व वैभव कंधारकर यांनी प्रत्येकी २ गडी बाद केले.