ओव्हरटेकच्या नादात कार दुचाकीची धडक; पाच जखमी

पिशोरयेथून दुचाकीवरून खातखेडा येथे जात असलेल्या तिघा भावंडांना कन्नडकडून येणाऱ्या कारने (क्रमांक एमएच २० बीएन २३९२) ओव्हरटेक करण्याच्या नादात जोराची धडक दिली. यात दुचाकीस्वार हरिश्चंद्र पवार, अंजनी पवार व विशाल पवार हे तिघेही सुमारे १५ ते २० फूट फेकले गेले होते. यातील एक जण काचेवर आदळल्या गेला, तर दोघे जण रस्त्याच्या कडेला फेकले गेले. तिघांनाही जबर मार लागल्याने जखमी झाले. तसेच कारमधील गणेश तुपे, आरीफ खान पठाण (रा. कन्नड) हे जखमी झाले. अपघातानंतर बचावकार्य सुरू झाले. जखमींना पिशोर ग्रामीण रुग्णालयात उपचारासाठी पाठविण्यात आले. तेव्हा दुचाकीने अचानक पेट घेतला होता. रस्त्यावरील प्रवाशांनी पेटलेली दुचाकीची आग आटोक्यात आणली. संबंधित अपघाताची नोंद पिशोर पोलीस ठाण्यात झाली.

290721\img-20210729-wa0036.jpg

पिशोर कन्नड रस्त्यावर झालेल्या अपघातानंतर दुचाकीची झालेली अवस्था व बघ्यांची झालेली गर्दी