दिलासा, सलग दुसऱ्या दिवशी जिल्ह्यात कोरोना मृत्यू टळला

औरंगाबाद : जिल्ह्यात सलग दुसऱ्या दिवशी सोमवारी कोरोना मृत्यू टळला. गेल्या २४ तासांत एकाही रुग्णाचा मृत्यू झाला नाही. दिवसभरात ४३ नव्या कोरोना रुग्णांची भर पडली, तर २१ जण कोरोनामुक्त झाले.

जिल्ह्यात एकूण रुग्णांची संख्या ४७ हजार २८० झाली आहे, तर आतापर्यंत ४५ हजार ८४४ रुग्ण कोरोनामुक्त झाले असून, एक हजार २४१ रुग्णांचा मृत्यू झाला आहे. सध्या १९५ रुग्णांवर उपचार सुरू आहेत. जिल्ह्यात नव्याने आढळलेल्या ४३ रुग्णांत मनपा हद्दीतील ३१, ग्रामीण भागातील १२ रुग्णांचा समावेश आहे. मनपा हद्दीतील १६ आणि ग्रामीण भागातील ५, अशा एकूण २१ रुग्णांना सोमवारी सुटी देण्यात आली.

मनपा हद्दीतील रुग्ण

गजानन कॉलनी १, तिरूपती विहार, गारखेडा ३, एन-७, सिडको १, जाधववाडी १, एन-४, सिडको २, मेहरनगर १, नारळीबाग १, सत्यमनगर १, अन्य २०

ग्रामीण भागाील रुग्ण

नागद १, फुलंब्री १, सिडको महानगर १,अन्य ९.