कोरोना कहर : ४५९ रुग्णांची वाढ, ५ मृत्यू

औरंगाबाद : जिल्ह्यात पुन्हा एकदा कोरोनाचा उद्रेक होताना दिसून येत आहे. कोरोना रुग्णसंख्येने शुक्रवारी तब्बल चारशेचा आकडा ओलांडला असून, ४५९ नवे रुग्ण दिवसभरात आढळले, तर ५ बाधितांचा उपचारादरम्यान मृत्यू झाला. दिवसभरात १७९ जणांचे उपचार पूर्ण झाल्याने त्यांना विविध रुग्णालयांतून सुटी देण्यात आली असून २९१० रुग्णांवर उपचार सुरू आहेत.

औरंगाबादेत ८ सप्टेंबर २०२० ला रेकाॅर्ड ब्रेक ४८६ सर्वाधिक बाधित रुग्ण आढळून आले होते. त्यापूर्वी ३ सप्टेंबरला ४६६ रुग्ण बाधित आढळून आले होते. शुक्रवारी ३५३ रुग्ण शहरात, तर ग्रामीणचा आकडाही दुपटीने वाढून १०६ वर पोहोचला. विविध रुग्णालयांतून उपचार पूर्ण झाल्याने शहरातील १५२, तर २७ जण घरी परतले. आजपर्यंत ४७ हजार ९०९ जण कोरोनामुक्त झाले. जिल्ह्यातील एकूण कोरोनाबाधित रुग्णांची संख्या ५२ हजार १३ झाली आहे. आजपर्यंत एकूण १२८४ जणांचा मृत्यू झाल्याने २ हजार ९१० रुग्णांवर उपचार सुरू आहेत, असे जिल्हा प्रशासनाने कळविले आहे.

---

५ बाधितांचा मृत्यू

घाटीत मुकुंदवाडीतील ६५ वर्षीय पुरूष, खुलताबाद तालुक्यातील नांदराबाद येथील ६६ वर्षीय पुरूष, नंदनवन कॉलनीतील ७९ वर्षीय पुरूष, फुलंब्री तालुक्यातील वडोद बाजार येथील ५८ वर्षीय महिला, खासगी रुग्णालयात ७३ वर्षीय महिला अशा कोरोनाबाधितांचा उपचारादरम्यान मृत्यू झाला.

---

मनपा हद्दीत ३५३ रुग्ण

खिंवसरा, एमआयडीसी रोड १, एन सात सिडको ७, जाधववाडी ५, पडेगाव ३, एकनाथनगर ५, ज्योतीनगर ७, नवाबपुरा १, विशालनगर ३, अदालत रोड १, जयनगर १, पद्मपुरा ३, दिवाण देवडी १, छावणी १, आदर्शनगर १, बन्सीलालनगर ३, दशमेशनगर ३, सादियानगर १, बंजारा कॉलनी १, कबीरनगर १, नक्षत्रवाडी १, समर्थनगर ४, वेदांत नगर १, मिटमिटा १, एन सात पोलीस कॉलनी १, खडकेश्वर १, किल्लेअर्क १, नागेश्वरवाडी १, संघर्षनगर १, भावसिंगपुरा १, एन दोन सिडको २, कासलीवाल मार्बल १, एन नऊ २, श्रीनाथ रेसिडन्सी परिसर हर्सुल १, संभाजी कॉलनी १, सिद्धीपार्क जटवाडा रोड ३, गुरू शाश्वत कॉलनी १, सारा परिवर्तन, सावंगी ५, बजरंग चौक १, लक्ष्मण कॉलनी १, दिशा नगरी, बीड बायपास १, गुलमंडी १, इंडियाना रेस्टॉरंट परिसर २, सराफा रोड १, गारखेडा ६, रामनगर १, नारळीबाग २, प्रतापनगर ३, अजबनगर १, बुक मार्केट १, मायानगर १, हडको ३, मुकुंदवाडी ३, सातारा परिसर ५, एन तीन सिडको २, एन आठ सिडको ५, शिवाजीनगर ५, रोकडिया हनुमान कॉलनी १, मित्रनगर २, टीव्ही सेंटर १, गुरू सहानीनगर १, पिसादेवी २, उत्तरानगरी १, राजीव गांधीनगर १, दर्शन विहार, बीड बायपास १, जय भवानीनगर ४, जय भारत कॉलनी चिकलठाणा १, हनुमाननगर १, चौधरी कॉलनी १, फन रेसिडन्सी हॉटेल १, अंबिकानगर १, पुंडलिकनगर ३, गुरू दत्तनगर १, हर्सुल ४, ठाकरेनगर १, बीड बायपास ६, एन बारा, स्वामी विवेकानंदनगर १, छत्रपतीनगर २, इटखेडा १, शिवनेरी कॉलनी ४, द्वारकानगरी १, सिंधी कॉलनी ४, अजंटा हा. सो ३, महर्षी विद्यालय १, सिंधू मेमोरिअल स्कूल १, गादिया विहार १, शिवशंकर कॉलनी १, तापडियानगर १, जय भवानी विद्या मंदिर १, आदित्यनगर १, सूतगिरणी चौक १, जवाहरनगर १, न्यू बालाजीनगर २, एन सहा साईनगर १, म्हाडा कॉलनी ३, टिळकनगर, गारखेडा २, हनुमाननगर १, उल्कानगरी ५, रोशन गेट १, बसयैनगर १, अयोध्यानगर १, राजे संभाजी कॉलनी १, श्रेयनगर २, अरिहंतनगर १, पंचशील नगर १, भानुदासनगर १, न्यू उस्मानपुरा १, नंदनवन कॉलनी ३, एन पाच, सत्यमनगर १, पेठेनगर १, जैननगर १, गवळीपुरा १, बालाजीनगर १, नागसेननगर, उस्मानपुरा २, कांचननगर १, संजयनगर १, सिडको १, एन नऊ एम दोन १, अन्य १३३.

--

ग्रामीण भागात १०६ रुग्ण

पळशी १, बोरगाव १, खुलताबाद २, कन्नड ३, पालगाव १, गंगापूर १, वाळूज ३, फुलंब्री १, बजाजनगर ७, रांजणगाव १, वळद गाव १, अन्य ८४ बाधित आढळून आले.

--

अशी आहे उच्चांकी वाटचाल...

--

४८६ - ८ सप्टेंबर

४६६ - ३ सप्टेंबर

४५९ - ५ मार्च

--

सोमवारपासून खासगी रुग्णालयातून लसीकरण

शहरातील विविध खासगी रुग्णालयांत कोरोना प्रतिबंधात्मक लसीकरणाला सुरुवात होणार आहे, अशी माहिती खासगी रुग्णालयांकडून देण्यात आली. आतापर्यंत शासकीय रुग्णालयांतूनच लस मोफत दिली जात आहे. आता खासगी रुग्णालयांतूनही पैसे मोजून लस घेता येईल.