कन्नडमध्ये विद्यार्थिनीची छेड काढणाऱ्या दोन शिक्षकांविरूद्ध गुन्हा

sexual harassment of girl student in school या प्रकरणातील दोन्ही आरोपी फरार असून पोलीस त्यांचा शोध घेत आहेत.

कन्नड - प्रयोग शाळेची स्वच्छता करण्यासाठी आलेल्या विद्यार्थिनीची छेड काढल्याच्या आरोपावरुन दोन शिक्षकांविरुद्ध ग्रामीण पोलीस ठाण्यात गुन्हा दाखल करण्यात आला आहे. तालुक्यातील आंबातांडा येथील नवजिवन माध्यमिक व उच्च माध्यमिक रुपा नाईक विद्यालयात ही घटना घडली असून अनुप राठोड (३०) व संदीप शिखरे (३२) असे आरोपी शिक्षकांची नावे आहेत. 

कोरोना प्रादुर्भावानंतर आता महाविद्यालये सुरु झाली आहेत. विद्यार्थ्यांची संख्यासुद्धा वाढत आहे. तालुक्यातील तालुक्यातील आंबातांडा येथील नवजिवन माध्यमिक व उच्च माध्यमिक रुपा नाईक विद्यालयात प्रयोग शाळा अनेक दिवस बंद असल्याने शुक्रवारी शिक्षकांनी विद्यार्थ्यांनींकडून याची स्वच्छता करण्याचे ठरवले. यासाठी तीन विद्यार्थ्यांनी घेऊन प्राचार्य प्रयोग शाळेकडे आले. त्यानंतर ते कुलुपाची चावी आणण्यासाठी गेले. तर इतर दोन मुली कामानिमित्त बाहेर गेल्या. यामुळे तिथे एकच मुलगी उभी होती. याचा गैरफायदा घेत समोर उभ्या अनुप राठोड व संदीप शिखरे यांनी तिची छेड काढली.  

पीडित मुलीने याप्रकरणी या शिक्षकांच्याविरूद्ध पोलीस स्थानकात फिर्याद दिली. यावरुन बालकांचे लैंगिक अत्याचारापासुन संरक्षण आधिनियम २०१२ चे कलम ८,१० व १२,भादवि ३५४ अन्वये गुन्हा दाखल करण्यात आला आहे. पुढील तपास पोउपनि.प्रदीप भिवसने करित आहेत. दोन्ही आरोपी फरार आहेत.