टेम्पो च्या धडकेत दुचाकीस्वाराचा जागीच मृत्यू

खुलताबाद : पेट्रोल पंपावर दुचाकीत पेट्रोल भरून रस्ता ओलांडत असतांना भरधाव टेम्पोने दुचाकीस जोरदार धडक दिली. या अपघातात दुचाकीस्वार तरुणाचा जागीच मृत्यू झाला. ही घटना शुक्रवारी दुपारी साडेचार वाजेदरम्यान खुलताबाद-फुलंब्री मार्गावरील पेट्रोल पंपासमोर घडली. विशाल नामदेव निकम (३२, वेरुळ) असे मयत तरुणाचे नाव आहे.

वेरुळ येथील विश्वकर्मा कॉलनीतील रहिवासी विशाल निकम हा फुलंब्री रोडवरील पेट्रोल पंपावर दुचाकी (क्र. एम.एच.२०, डी.यू.०९१४)त पेट्रोल भरून रस्ता ओलांडत होता. तेवढ्यात असतांना समोरून खुलताबादहून फुलंब्रीकडे भरधाव जाणाऱ्या टेम्पो (क्र.एम.एच.१९, सी.वाय.३५१२) ने त्याच्या दुचाकीला जोराची धडक दिली. या अपघातात विशाल निकमचा जागीच मृत्यू झाला. अपघाताची माहिती मिळताच खुलताबाद पोलिसांनी घटनास्थळी धाव घेतली. खुलताबाद ग्रामीण रुग्णालयात मृतदेहाचे शवविच्छेदन करण्यात आले. मयत विशालच्या पश्चात आई-वडील व एक भाऊ असा परिवार आहे. याप्रकरणी खुलताबाद पोलीस ठाण्यात नोंद करण्यात आली असून पुढील तपास पोनि. एस. एम. मेहत्रे, बीट जमादार शेख जाकीर, रतन वारे हे करीत आहेत.

फोटो :

170921\1914-img-20210917-wa0066.jpg

मयत विशाल नामदेव निकम