दसरा महोत्सवाचे बासापूजन आज

हिंगोली : येथील ऐतिहासिक दसरा महोत्सवाचे बासापूजन ८ सप्टेंबर रोजी सकाळी ८ वाजता रामलीला मैदानावर होणार आहे.
यंदा हे पूजन गोपाललाल मंदिराऐवजी रामलीला मैदानावरच करावे व पूजेसाठी खाकीबाबा मठाच्या महंतांना पाचारण करावे, बासा पूजन ८ रोजी सकाळी ८ वाजता घेण्याचे ठरले. त्यासाठी खा.राजीव सातव, आ.भाऊराव पाटील गोरेगावकर, जिल्हाधिकारी तुकाराम कासार, पोलिस अधीक्षक एन.अंबिका, जि.प. मुख्य कार्यकारी अधिकारी पी.व्ही.बनसोडे यांच्यासह दसरा महोत्सव समितीच्या पदाधिकारी व नागरिकांनी उपस्थित राहण्याचे आवाहन करण्यात आले.
आज जिल्हाधिकारी तुकाराम कासार यांनी दसरा मैदानावर पाहणी करून विविध सूचना दिल्या. यावेळी माजी नगराध्यक्ष दिलीप चव्हाण, विलास गोरे आदींची उपस्थिती होती. (प्रतिनिधी)