चोरट्यांची धूम, पोलीस घामाघूम

औरंगाबाद: वाहनचोरी रोखण्यात पोलीस यंत्रणा अपयशी होत असल्याने चोरट्यांची धूम सुरूच आहे. दोन दिवसांत चोरट्यांनी ९ दुचाकी पळविल्याचे समोर आले. याप्रकरणी संबंधित ठाण्यात गुन्हे नोंदविण्यात आले.

युनूस शब्बीर खान पठाण (रा. चौकावाडी) यांची दुचाकी (एमएच २० सीए ६८७५) सिटीचौक परिसरातून चोरट्यांनी २४ जून रोजी रात्री पळवली. बंजारा कॉलनीतील प्रकाशचंद भवरलालजी बाटींया जैन यांच्या घरासमोरून चोरट्यांनी त्यांची दुचाकी (एमएच-२०बीके १६२५) लंपास केली. दिलीप भीमराव काळे यांनी उस्मानपुऱ्यातील रेल्वे पोस्ट कार्यालयाजवळ उभी केलेली मोटारसायकल (एमएच २०एके ३५५०) चोरट्यांनी पळवली. गारखेड्यातील रिलायन्स मॉलसमोरून एका महिलेची दुचाकी (एमएच-२०सीक्यू ६५२५) चोरट्यांनी चोरून नेली. मध्यवर्ती बसस्थानकासमोर उभी शुभम रावसाहेब काळे (रा. पडेगाव) यांची दुचाकी (एमएच-२०बीव्ही ०२४०) चोरीस गेली. एमजीएम रुग्णालयाच्या गेटसमाेरून चोरट्यांनी संजय सोनाजी रगडे यांची मोटारसायकल (एमएच-२०डीएक्स १४३८) पळवली. चोरट्यांनी करोडीतून एक दुचाकी (एमएच-२०एफके ६४८९) पळवली.

चौकट

कारही पळवली

वैजापुरातील शेख राजू शेख बाबूलाल यांची कार (एमएच ०६ए डब्ल्यू ७८३३) घाटी रुग्णालयाच्या मुख्य प्रवेशद्वाराजवळून चोरी झाली.