आठ पोलीस निरीक्षकांच्या बदल्या

लातूर : लातूर जिल्हा पोलीस दलातील एकूण ८ पोलीस निरीक्षकांच्या सोमवारी बदल्या करण्यात आल्या.

लोकमत न्यूज नेटवर्क
लातूर : लातूर जिल्हा पोलीस दलातील एकूण ८ पोलीस निरीक्षकांच्या सोमवारी बदल्या करण्यात आल्या. ८ पैकी एका अधिकाऱ्याची नांदेड येथे बदली करण्यात आली आहे. तर उर्वरित ७ पोलीस निरीक्षकांची जिल्ह्यांतर्गत खांदेपालट करण्यात आली आहे. या बदल्यांचे आदेश जिल्हा पोलीस अधीक्षकांनी काढले आहेत.
लातूर जिल्हा पोलीस दलातील विवेकानंद चौक पोलीस ठाण्याचे पहिले पोलीस निरीक्षक सुनील ओव्हळ यांची नांदेड जिल्हा पोलीस दलात बदली झाली आहे. या ठिकाणी गांधी चौकचे गजानन भातलवंडे यांची नियुक्ती करण्यात आली आहे. चाकूर येथील पोनि. एस.आर. नागरगोजे यांची गांधी चौक पोलीस ठाणे, औसा येथील पोनि. व्ही.ए. जाधव यांची चाकूर, अहमदपूर येथील पोनि. एस.आय. चाऊस यांची औसा येथे नियुक्ती करण्यात आली आहे. तर वाहतूक नियंत्रण शाखा लातूर येथील पोनि. गोवर्धन भुमे यांची आर्थिक गुन्हे शाखेत नियुक्ती करण्यात आली आहे. आर्थिक गुन्हे शाखेचे पोनि. आर.एस. तट यांची अहमदपूरला तर नियंत्रण कक्षातील एल.व्ही. राख यांची वाहतूक नियंत्रण शाखेत नियुक्ती करण्यात आली आहे. या बदल्यांचे आदेश जिल्हा पोलीस अधीक्षक डॉ. शिवाजीराव राठोड यांनी सोमवारी दुपारी काढले आहेत. जिल्ह्यांतर्गत सात अधिकाऱ्यांची त्यांनी खांदेपालट केली आहे.