औरंगाबाद जिल्ह्यात ३ अपघातात ४ ठार

मृतात दाम्पत्य, युवक, पादचाऱ्याचा समावेश : पैठण, लिंबेजळगाव, दौलताबादनजीक वेगवेगळ्या दुर्घटना

पैठण/दौलताबाद/लिंबेजळगाव : औरंगाबाद जिल्ह्यात शनिवारी दिवसभरात तीन वेगवेगळ्या रस्ते अपघातात चार जणांचा मृत्यू झाला. मृतात पती-पत्नी, युवक व एका पादचाºयाचा समावेश आहे.
पैठणनजीक कारने पती-पत्नीला उडविले
पैठण-शहागड रस्त्यावर गोपेवाडी फाटा परिसरात समोरून येणाºया कारने धडक दिल्याने मोटारसायकलजवळ उभे असलेले पती-पत्नी ठार झाले. हा अपघात शनिवारी सकाळी १० वाजता घडला. आत्माराम बाबूराव गवांदे (५५) व मंगलाबाई आत्माराम गवांदे (५०, रा. माळवाडी- गुरुधानोरा ता. गंगापूर, जि. औरंगाबाद), अशी मृतांची नावे आहेत. अपघात झाल्यावर गंभीर जखमी झालेल्या या दाम्पत्याला तातडीने औरंगाबाद येथे उपचारासाठी हलविण्यात आले होते; मात्र उपचारादरम्यान सायंकाळी दोघांचाही मृत्यू झाला. पैठण-नवगाव रस्त्यावर नायगाव फाट्याच्या पुढे चंदू निवारे यांच्या शेताजवळ भरधाव कारने (क्र. एमएच २०-७२७३) रस्त्याच्या कडेला उभ्या असलेल्या मोटारसायकलला (क्र. एमएच २० डीक्यू -३२२१) जोराची धडक दिली. यावेळी हे दाम्पत्य मोटारसायकलसमोरच उभे होते. त्यांनाही कारने उडविले. गंभीर जखमी अवस्थेत दोघांनाही पैठण येथील शासकीय रुग्णालयात हलविण्यात आले. डॉक्टरांनी प्राथमिक उपचार करून पुढील उपचारासाठी औरंगाबाद घाटी रुग्णालयात हलविले. या अपघाताची नोंद पैठण पोलीस ठाण्यात घेण्यात आली असून, कारचालक घटना घडल्यानंतर फरार झाला आहे. पुढील तपास जमादार किरण शिंदे करीत आहेत.
चौकट...
अंत्यविधीसाठी जाताना काळाचा घाला
दरम्यान, हे शेतकरी दाम्पत्य नवगाव-तुळजापूर (ता. पैठण) येथे नातेवाईकांच्या अंत्यविधीसाठी चालले होते, त्यापूर्वीच काळाने त्यांच्यावर घाला घातला. या दाम्पत्याच्या अकाली मृत्यूमुळे गुरुधानोरा परिसरावर शोककळा पसरली आहे, असे आमच्या सावखेडा व लिंबेजळगावच्या वार्ताहरांनी कळविले आहे.
लिंबेजळगानजीक पादचाºयास चिरडले
लिंबेजळगाव बसस्थानकाजवळ एका बाजूला दुचाकी उभी करून रस्ता दुसºया बाजूने जात असताना अज्ञात वाहनाने धडक दिल्याने एक पादचारी ठार झाल्याची घटना घडली. विनोद उत्तम परदेशी (३५, रा. सावखेडा, ता. पाचोरा, जि. जळगाव), असे अपघातातील मृताचे नाव आहे. सदर इसम गंभीर जखमी अवस्थेत रस्त्यावर पडलेला असताना नागरिकांनी सदर इसमाला पोलिसांच्या मदतीने घाटी रुग्णालयात उपचारार्थ दाखल केले. मात्र, येथे डॉक्टरांनी तपासून मयत घोषित केले. याप्रकरणी वाळूज पोलीस ठाण्यात अकस्मात मृत्यूची नोंद करण्यात आली आहे.
दौलताबादनजीक ट्रकने घेतला दुचाकीस्वाराचा बळी
दौलताबादनजीक भरधाव ट्रकच्या धडकेत एका युवकाचा जागीच मृत्यू झाल्याची घटना औरंगाबाद-नाशिक मार्गावरील एका शाळेसमोर शनिवारी दुपारी ४ वाजेदरम्यान घडली. संदीप कचरू पवार (रा. माळीवाडा) असे अपघातात ठार झालेल्या युवकाचे नाव आहे. पोलिसांनी सांगितले की, दुपारी ४ वाजेच्या सुमारास संदीप दुचाकीवरून औरंगाबाद-नाशिक महामार्गावरून जात असताना येथे जैन इंटरनॅशनल स्कूलसमोर ट्रकने (क्र. एचआर-६९ ए-५५०५) दुचाकीला (क्र.एम.एच-२० ईडी-८४९२) जोरदार धडक दिली. यात त्याचा जागीच मृत्यू झाला. दौलताबाद पोलीस ठाण्याचे कर्मचारी आर. बी. राठोड, के. के. खिलारे, थोरात यांनी घटनास्थळी धाव घेऊन गंभीर जखमी संदीपला घाटी रुग्णालयात दाखल केले. मात्र, डॉक्टरांनी तपासून मयत घोषित केले. याप्रकरणी ट्रकचालकाविरुद्ध गुन्हा दाखल करण्यात आला आहे, अधिक तपास दौलताबाद पोलीस करीत आहेत.
९ महिन्यांपूर्वीच झाले होते लग्न
मयत संदीपच्या पश्चात पत्नी, आई, वडील, दोन भाऊ असा परिवार आहे. तो एका मोबाईल कंपनीच्या टॉवरचे काम करीत होता. विशेष म्हणजे ९ महिन्यांपूर्वीच त्याचे लग्न झाले होते. घटनेमुळे परिसरात हळहळ व्यक्त केली जात आहे.