फुलंब्री पोलिसांची दोन ठिकाणी अवैध धंद्यावर कारवाई

फुलंब्री - खुलताबाद रोडवरील एका हॉटेलमध्ये विनापरवाना देशी दारूची विक्री करणाऱ्या सुशांत सुशोद दास याला ताब्यात घेऊन त्याच्याकडून देशी-विदेशी दारूच्या १२० बॉटल्स जप्त करण्यात आल्या. वारेगाव येथे बाळासाहेब संपतराव जाधव, गणेश नारायण खंडागळे हे दोघे मटका नावाचा आकडा चार्ट लावून जुगार खेळताना मिळून आले. त्यांच्याकडून मोबाईल व रोख रक्कम मिळून २०२० चा मुद्देमाल जप्त करून कारवाई करण्यात आली. तीन आरोपींना अटक करण्यात आली असल्याची माहिती पोलीस निरीक्षक अशोक मुद्दीराज यांनी दिली.

वडोदबाजार पोलिसांनी आळंद येथील माधवराव पायगव्हाण याला जुगार खेळताना पकडले. त्याच्याकडून मोबाईल व रोख रक्कम असा एकूण १३ हजार रुपयांचा मुद्देमाल जप्त करण्यात आला. त्याच्याविरोधात १२ (अ) मुंबई जुगार अधिनियमनुसार गुन्हा नोंद करण्यात आला, अशी माहिती सहायक पोलीस निरीक्षक आरती जाधव यांनी दिली.

फोटो :

जुगार खेळणाऱ्या दोन आरोपींसह पोलीस निरीक्षक अशोक मुद्दीराज व पोलीस कर्मचारी.

300321\rauf usman shaik_img-20210330-wa0035_1.jpg

फुलंब्री पोलिसांची दोन ठिकाणी अवैध धंद्यावर कारवाई