ग्रामीण पोलीस, युनायटेड ब्रेव्हरीज विजयी

जिल्हा क्रिकेट संघटनेच्या मैदानावर सुरू असलेल्या व्हेरॉक करंडक टी-२0 औद्योगिक क्रिकेट स्पर्धेत युनायटेड ब्रेव्हरीजने कॉस्मो फिल्म संघावर मात केली. दुसºया लढतीत औरंगाबाद ग्रामीण पोलीसने शहर पोलीस ब संघावर ९ विकेटने विजय मिळवला.

ठळक मुद्देव्हेरॉक करंडक : पंकज फलके, अजय काळे सामनावीर

औरंगाबाद : जिल्हा क्रिकेट संघटनेच्या मैदानावर सुरू असलेल्या व्हेरॉक करंडक टी-२0 औद्योगिक क्रिकेट स्पर्धेत युनायटेड ब्रेव्हरीजने कॉस्मो फिल्म संघावर मात केली. दुसºया लढतीत औरंगाबाद ग्रामीण पोलीसने शहर पोलीस ब संघावर ९ विकेटने विजय मिळवला.
सकाळच्या सत्रात युनायटेड ब्रेव्हरीजने प्रथम फलंदाजी करताना २0 षटकांत ९ बाद ११९ धावा केल्या. त्यांच्याकडून अनुभवी शैलीदार फलंदाज पंकज फलकेने ४६ चेंडूंत २ षटकार व ६ चौकारांसह ६१ व जुनेद शेखने १0 धावा केल्या. कॉस्मो फिल्मकडून प्रीतेश चार्ल्सने २0 धावांत ४ गडी बाद केले. सतीश जामखेडकरने २ गडी बाद केले. प्रत्युत्तरात कॉस्मो फिल्मचा संघ पत्त्याच्या बंगल्याप्रमाणे १२ षटकांत ४२ धावांत गारद झाला. त्यांच्याकडून सुनील इंदाने याने १३ धावा केल्या. युनायटेड ब्रेव्हरीजकडून सागर मनोहर याने १४ धावांत ४ गडी बाद केले. श्रीकांत शिंदेने २ गडी बाद केले. अजय तोमर, हर्षद शिर्के व माणिक चोपरा यांनी प्रत्येकी १ गडी बाद केला.
दुसºया लढतीत शहर ‘पोलीस ब’चा संघ १५.५ षटकांत ८0 धावांत सर्वबाद झाला. त्यांच्याकडून पंकज दळवीने २२ धावा केल्या. ग्रामीण पोलीसकडून अझर शेखने ३, प्रदीप पवार, अजय काळे व संदीप जाधव यांनी प्रत्येकी २, तर संजय सपकाळने १ गडी बाद केला. प्रत्युत्तरात ग्रामीण पोलीसने विजयी लक्ष्य १ गडी गमावून गाठले. त्यांच्याकडून अजय काळेने ३९ चेंडूंत ८ चौकारांसह नाबाद ५३ व विशाल नरवडेने १४ धावा केल्या. उद्या, रविवारी सकाळी ८.३0 वाजता एसजीएसटीविरुद्ध मसिआ सामना होणार असल्याचे स्पर्धा सचिव राहुल टेकाळे यांनी कळवले आहे.