आयुर्विमा, हायकोर्ट संघ विजयी

जिल्हा क्रिकेट संघटनेच्या एन-२ स्टेडियमवर सुरू असलेल्या १३ व्या व्हेरॉक करंडक औद्योगिक क्रिकेट स्पर्धेत आयुर्विमा संघाने आय.आय.ए. संघावर ६ गडी आणि हायकोर्ट संघाने आयजीटीआर संघावर ५ गडी राखून मात केली. आज झालेल्या सामन्यात सचिन जैस्वाल आणि संतोष धोटे सामनावीर किताबाचे मानकरी ठरले.

औरंगाबाद : जिल्हा क्रिकेट संघटनेच्या एन-२ स्टेडियमवर सुरू असलेल्या १३ व्या व्हेरॉक करंडक औद्योगिक क्रिकेट स्पर्धेत आयुर्विमा संघाने आय.आय.ए. संघावर ६ गडी आणि हायकोर्ट संघाने आयजीटीआर संघावर ५ गडी राखून मात केली. आज झालेल्या सामन्यात सचिन जैस्वाल आणि संतोष धोटे सामनावीर किताबाचे मानकरी ठरले.
सकाळच्या सत्रात हायकोर्ट संघाविरुद्ध आयजीटीआर संघाने प्रथम फलंदाजी करताना २० षटकांत ९ बाद ११० धावा केल्या. त्यांच्याकडून दिलीप पारधे याने ३६ चेंडूंत ४ चौकारांसह ४० व सुशील नाईक याने ३१ चेंडूंत २ चौकार, एका षटकारासह २७ धावा केल्या. हायकोर्ट संघाकडून सचिन जैस्वाल आणि प्रल्हाद बचाटे यांनी अनुक्रमे १७ व १८ धावांत प्रत्येकी ३ गडी बाद केले. आबा शिंदे व निखिल राजे यांनी प्रत्येकी १ गडी बाद केला. दुसºया सामन्यात आयुर्विमा संघाविरुद्ध आय.आय.ए. संघाने २० षटकांत ९ बाद ९८ धावा केल्या. त्यांच्याकडून अनंत नेरळकरने सर्वाधिक १८ व शुभम हरकळने ११ धावा केल्या. आयुर्विमा संघाकडून महेश रेड्डी व संतोष धोटे यांनी अनुक्रमे १८ व २१ धावांत प्रत्येकी ३ गडी बाद केले. अभिजित भगत याने १७ धावांत २ बळी घेतले. प्रत्युत्तरात आयुर्विमा संघाने विजयी लक्ष्य १६.३ षटकांत ४ गडी गमावून पूर्ण केले. त्यांच्याकडून संतोष धोटे याने ३६ चेंडूंत २ चौकारांसह नाबाद ३४ व सुफियान अहमद याने अवघ्या ३० चेंडूंतच ५ चौकारांसह ४१ धावांची विजयी खेळी केली. आय.आय.ए. संघाकडून सुनील भाले व समीर यादव यांनी प्रत्येकी २ गडी बाद केले.