मसिआ, आर्किटेक्ट संघ विजयी

जिल्हा क्रिकेट संघटनेच्या मैदानावर सुरू असलेल्या व्हेरॉक करंडक औद्योगिक टष्ट्वेंटी-२0 क्रिकेट स्पर्धेत मसिआ संघाने कॉस्मो फिल्म, तर आर्किटेक्ट संघाने शहर पोलीस ब संघावर मात केली. माजी रणजीपटू अनंत नेरळकर व अतिक नाईकवाडे हे सामनावीर किताबाचे मानकरी ठरले.

औरंगाबाद : जिल्हा क्रिकेट संघटनेच्या मैदानावर सुरू असलेल्या व्हेरॉक करंडक औद्योगिक टष्ट्वेंटी-२0 क्रिकेट स्पर्धेत मसिआ संघाने कॉस्मो फिल्म, तर आर्किटेक्ट संघाने शहर पोलीस ब संघावर मात केली. माजी रणजीपटू अनंत नेरळकर व अतिक नाईकवाडे हे सामनावीर किताबाचे मानकरी ठरले.
सकाळच्या सत्रात आर्किटेक्ट संघाविरुद्ध शहर पोलीस ब संघाने प्रथम फलंदाजी करीत २० षटकांत ९ बाद १३७ धावा केल्या. त्यांच्याकडून इम्रान पटेल याने ४० चेंडूंत ४ षटकार व ६ चौकारांसह ६९ व रिझवान अहमद याने १४ धावा केल्या. आर्किटेक्ट संघाकडून सुनील भाले याने ११ धावांत ३, तर संजय पाठे व समीर यादव यांनी प्रत्येकी २ गडी बाद केले. प्रत्युत्तरात आर्किटेक्ट संघाने विजयी लक्ष्य १८.१ षटकांत पूर्ण केले. त्यांच्याकडून अनंत नेरळकरने ३० चेंडूंत ७ चौकार, २ षटकारांसह नाबाद ५५, युसूफ शेखने ४ चौकार व एका षटकारासह ४५ व शुभम हरकळने २२ चेंडूंत ४ चौकारांसह ३२ धावा केल्या.
दुसºया सामन्यात मसिआ संघाविरुद्ध कॉस्मो फिल्मने १६.४ षटकांत सर्वबाद ११५ धावा केल्या. त्यांच्याकडून महेंद्र ढगे याने ३ षटकार व २ चौकारांस सर्वाधिक ३८ धावा केल्या. प्रीतेश चार्ल्सने २२ व हसन असलम याने २० धावा केल्या. मसिआ संघाकडून मंगेश निटूरकरने १४ धावांत ३ गडी बाद केले. अतिक नाईकवाडे व मधुर पटेल यांनी प्रत्येकी २ गडी बाद केले. रोहन राठोड, रोहन मोरे, हितेश पटेल यांनी प्रत्येकी १ गडी बाद केला. प्रत्युत्तरात मसिआ संघाने विजयी लक्ष्य १६.२ षटकांत ३ गडी गमावून ११७ धावा करीत पूर्ण केले. त्यांच्याकडून राहुल शर्माने ३९ चेंडूंत ५ चौकारांसह सर्वाधिक ३६ धावा केल्या. अतिक नाईकवाडे याने नाबाद २९ व मधुर पटेलने २३ धावा केल्या. कॉस्मो फिल्मकडून प्रीतेश चार्ल्सने १ गडी बाद केला.