मिसारवाडीची अल्पवयीन मुलगी विकली गुजरातमध्ये

औरंगाबाद: अल्पवयीन मुलीस लग्नाचे आमिष दाखवून तिला विकत घेणाऱ्या गुजरातच्या व्यापाऱ्यास सिडको पोलिसांनी अटक केली असून त्यास मंगळवारपर्यंत पोलीस कोठडी मिळाली आहे.

राहुल डाबी (२४, रा. पालनपूर,गुजरात) असे अटक केलेल्या व्यापाऱ्याचे नाव आहे. मिसारवाडी परिसरातील एका अल्पवयीन मुलीस सलीम ऊर्फ कादर खान हैदर खान पठाण (रा. पडेगाव) व त्याची मैत्रीण यास्मीन या दोघांनी लग्नाचे आमिष दाखवून १६ ऑक्टोबरला अपहरण करून गुजरातला विकले होते. यानंतर तिने आपल्या नातेवाईकांना फोनवर ही माहिती सांगितल्यावर सिडको पोलीस ठाण्यात गुन्हा दाखल करण्यात आला होता. पोलीस निरीक्षक अशोक गिरी यांनी तपासाची सूत्रे फिरवून सहायक निरीक्षक अवघड, महिला पोलीस कमल गदई, पोलीस कर्मचारी लालखा पठाण, वामन नागरे, अनिल सोमवंशी यांच्या पथकाने गुजरात येथून शुक्रवारी राहुल डाबीला अटक केली.

सदर मुलीची वैद्यकीय चाचणी करून तिला तिच्या नातेवाईकांच्या ताब्यात दिले तर आरोपींना न्यायालयाने पाच जानेवारीपर्यंत पोलीस कोठडी सुनावली आहे. अजून अशा किती मुली विक्री करण्यात आल्या आहेत, याचा शोध सहायक पोलीस निरीक्षक अवघड घेत आहेत.