स्वप्नील, इनायत यांच्या अष्टपैलू कामगिरीने एमएसईडीसीएल विजयी

औरंगाबाद जिल्हा क्रिकेट संघटनेच्या एन-२ येथील स्टेडियमवर सुरू असलेल्या व्हेरॉक करंडक औद्योगिक टष्ट्वेंटी-२० क्रिकेट स्पर्धेत स्वप्नील चव्हाण इनायत अली सय्यद यांच्या अष्टपैलू कामगिरीच्या बळावर एमएसडीसीएल संघाने बलाढ्य बँकर्स संघावर ७ धावांनी निसटती मात केली. दुसºया सामन्यात पीडब्ल्यूडी संघाने नीरज शिमरेच्या शानदार कामगिरीच्या बळावर मनपा संघावर ६ गडी राखून मात केली. अनुभवी दिनेश कुंटेची झुंजार फलंदाजी हेदेखील आज झालेल्या लढतीचे वैशिष्ट्य ठरले.

ठळक मुद्देइनायतच्या ९२ धावा : नीरज शिमरे चमकला

औरंगाबाद : औरंगाबाद जिल्हा क्रिकेट संघटनेच्या एन-२ येथील स्टेडियमवर सुरू असलेल्या व्हेरॉक करंडक औद्योगिक टष्ट्वेंटी-२० क्रिकेट स्पर्धेत स्वप्नील चव्हाण इनायत अली सय्यद यांच्या अष्टपैलू कामगिरीच्या बळावर एमएसडीसीएल संघाने बलाढ्य बँकर्स संघावर ७ धावांनी निसटती मात केली. दुसºया सामन्यात पीडब्ल्यूडी संघाने नीरज शिमरेच्या शानदार कामगिरीच्या बळावर मनपा संघावर ६ गडी राखून मात केली. अनुभवी दिनेश कुंटेची झुंजार फलंदाजी हेदेखील आज झालेल्या लढतीचे वैशिष्ट्य ठरले.
सकाळच्या सत्रात पीडब्ल्यूडी स्ट्रायकर्स संघाविरुद्ध मनपा संघाने प्रथम फलंदाजी करताना २० षटकांत ६ बाद १२७ धावा केल्या. त्यांच्याकडून दीपक जावळे याने २२ चेंडूंत ५ चौकार, एका षटकारासह सर्वाधिक २९ धावा केल्या. मोहंमद इम्रानने २४, प्रवीण क्षीरसागरने २७ व कर्मवीर लव्हेराने नाबाद १४ धावांचे योगदान दिले. पीडब्ल्यूडी स्ट्रायकर्सकडून नीरज शिमरे याने २९ धावांत ३ गडी बाद केले. रवींद्र तोंडे, श्याम टाकळकर व मनोज घोडके यांनी प्रत्येकी १ गडी बाद केला. प्रत्युत्तरात पीडब्ल्यूडी स्ट्रायकर्स संघाने विजयी लक्ष्य १७ षटकांत ४ गडी गमावून १२९ धावा करीत पूर्ण केले. त्यांच्याकडून नीरज शिमरे याने २६ चेंडूंतच ४ चौकार व एका षटकारासह निर्णायक ४३ धावांची खेळी केली. योगेश राठीने नाबाद २३, रवींद्र तोंडेने २५ व मनोज घोडकेने २० धावांचे योगदान दिले.
दुसºया सामन्यात एमएसईडीसीएल संघाने ५ बाद १७३ धावा फटकावल्या. त्यांच्याकडून इयानअली सय्यदने ५९ चेंडूंत ७ षटकार व ८ चौकारांसह नाबाद ९२ धावांची फटकेबाज खेळी केली. त्याला साथ देणाºया शैलीदार फलंदाज स्वप्नील चव्हाणने २७ चेंडूंत ६ चौकारांसह ४० व सचिन पाटीलने १६ धावांचे योगदान दिले. प्रत्युत्तरात कम्बाईन बँकर्सचा संघ ९ बाद १६६ पर्यंत मजल मारू शकला. त्यांच्याकडून अनुभवी फलंदाज दिनेश कुंटे याने एकाकी झुंज देत २६ चेंडूंत २ चौकार, २ षटकारांसह नाबाद ४० धावा केल्या. राजेश कीर्तिकरने १८ चेंडूंत ३ चौकार, ३ षटकारांसह ३६, दीपेश मद्दिने १४ चेंडूंत २१, प्रदीप जगदाळे व शेख हबीब यांनी प्रत्येकी १३ धावा केल्या. एमएसडीसीएलकडून स्वप्नील चव्हाणने २७ धावांत ४ गडी बाद केले. इनायत अली सय्यद व बाळासाहेब मगर यांनी प्रत्येकी २ गडी बाद केले.