किरकोळ कारणावरून शेजाऱ्यांचा महिलेसह तिघांवर हल्ला

सोमनाथ राजगुरे, साईनाथ राजगुरे, सचिन राजगुरे, विजू राजगुरे, बाळू सोनवणे आणि तीन महिलांचा आरोपींमध्ये समावेश आहे. पोलिसांनी सांगितले की, आरोपी आणि तक्रारदार महिला एकाच गल्लीत राहतात. १८ एप्रिल रोजी घरासमोर दारू पिण्यास त्यांनी मनाई केल्यानंतर आरोपींनी त्यांच्या घरात घुसून हल्ला केला. यात तक्रारदार महिला, तिचा मुलगा, मुलगी आणि जावई जखमी झाले.

===============((((

शेतकऱ्याची मोटारसायकल पळविली

औरंगाबाद : शहानूर मिया दर्गा परिसरातील रुग्णालयाच्या आवारात उभी असलेली शेतकऱ्याची मोटारसायकल ( एमएच २० सीबी १९३१) चोरट्यांनी लंपास केली. ही घटना १३ एप्रिल रोजी घडली. सीताराम मोहन मालोदे यांनी याविषयी जवाहरनगर ठाण्यात तक्रार नोंदविली.

=============(((====

कूपनलिका खोदल्याने एकाला फावड्याने मारहाण

औरंगाबाद : घरासमोर कूपनलिका खोदल्याच्या कारणावरून युसुफखान महेबूब खान यांना तीन जणांनी फावड्याने मारहाण करून जखमी केले. ही घटना १९ एप्रिल रोजी पडेगांवातील कासंबरी दर्गा परिसरात घडली.

छावणी पोलिसांनी आरोपी सलमान खान, इमरान खान आणि मोकीद खानविरुध्द गुन्हा नोंदविला.