शिकार नाही मिळाली, प्राणही गमावले; सावजाच्या मागे आलेल्या बिबट्याचा विहिरीत पडून मृत्यू

तपोवन हे गाव गौताळा अभयारण्यापासून जवळच आहे.

कन्नड - तालुक्यातील तपोवन शिवारातील विहीरीत बिबट्या मृतावस्थेत आढळून आला आहे. ही घटना आज सकाळी उघडकीस आली असून बिबट्या शिकारीच्या मागे या भागात आला असावा असा अंदाज आहे. 

याबाबत प्राथमिक माहिती अशी की, तपोवन येथील शिवाजी बारकु सोनवणे हे शेतकरी आहेत. तपोवन शिवारात गट नं ६० मध्ये सोनवणे यांची शेतजमीन आहे. आज सकाळी या शेतातील विहीरीत बिबट्याचा मृतदेह पाण्यावर तरंगत असल्याचे आढळून आले. तपोवन हे गाव गौताळा अभयारण्यापासून जवळच आहे. त्यामुळे शिकारीच्या शोधात सावजाचा पाठलाग करतांना बिबट्या विहीरीत पडला असावा असा अंदाज व्यक्त करण्यात येत आहे.