लिंबेजळगाव येथे जीप अपघातात एकाचा जागीच मृत्य; चार जखमी
By लोकमत न्यूज नेटवर्क | Published: January 31, 2020 11:45 AM2020-01-31T11:45:03+5:302020-01-31T11:45:53+5:30
समोरचे भरधाव वाहन अचानक थांबल्याने झाला अपघात
लिंबेजळगाव येथे जीप अपघातात एकाचा जागीच मृत्य; चार जखमी
Next लिंबेजळगाव : भरधाव वेगात असणारे अज्ञात वाहनान अचानक थांबल्याने त्यामागून येणारी एक जीप त्यावर जोरदार धडकल्याने झालेल्या अपघातात एकजण जागीच मृत झाल्याची घटना शुक्रवारी ( ३१ ) पहाटे घडली. लिबेजळगाव येथील बसस्थानकाजवळ हा अपघात झाला असून रामेश्वर शेजुळ (२६) असे मृताचे नाव आहे.
अपघातात जीपचा समोरचा भाग पूर्णपणे चेपला गेला आहे. यावरून अपघाताची भीषणता लक्षात येते आहे. अपघाताची माहिती मिळताच वाळूज पोलीस घटनास्थळी दाखल झाले. त्यांनी जीपमधील जखमी सविता रामेश्वर शेजुळ, धृपदाबाई रीठे, भागीनाथ रीठे व अन्य एकजण ( सर्व राहणार विसारवाडी ता पैठण ) यांना शासकीय रुग्णालय घाटी येथे उपचारासाठी दाखल केले.