पिंपळगाव सैलानी येथे महिलेची हत्या

मृतक औरंगाबाद येथील; २१ जानेवारी रोजी दर्गा परिसरात आढळला होता मृतदेह.

पिंपळगाव सैलानी, दि. २३- सैलानी येथे २१ जानेवारी रोजी दर्गा परिसरात मोकळ्या टिनशेडमध्ये महिलेचे प्रेत आढळले होते. या महिलेच्या नातेवाइकांचा शोध पोलिसांनी घेतला असता, या अनोळखी महिलेची ओळख पटली आहे. या मृत महिलेचे नाव अमिना सय्यद लुकमान वय ४0 वर्षे रा.भईवाळा औरंगाबाद असे नाव असून, या मृत महिलेची बहीण शमीना शेरुखान वय ४५ वर्षे, राहणार नवपाल बांद्रा मुंबई हिने मृत माझी लहान बहीण असून, हिचा खून केल्याची तक्रार रायपूर पोलीस स्टेशनला दिली आहे. यावरून बुलडाणा पोलीस अधीक्षक संजयकुमार बावस्कर, बुलडाणा पोलीस उपविभागीय अधिकारी बी.बी.महामुनी यांच्या मार्गदर्शनाखाली रायपूर ठाणेदार जे.एन.सय्यद यांनी अज्ञात आरोपीविरुद्ध अप.क्र.३१/0१७ कलम ३0२ खुनाचा गुन्हा दाखल केला आहे. पुढील तपास ठाणेदार सय्यद, एएसआय यशवंत तायडे, शेख कय्युम मुसा आरोपीचा शोध घेत आहे.