टोलनाक्यावर पोलीस कर्मचाऱ्यास धक्काबुक्की

वाळूज ठाण्याचे पोलीस कर्मचारी राम काळे यांंना विजय पंढरीनाथ घुगरकर (४३, रा. कमळापूर) याने शिवीगाळ केली. घटनास्थळावरुन पळून जात असताना घुगरकर याला पोलिसांनी टोलनाक्यावरील कर्मचाऱ्यांच्या मदतीने पकडले. याप्रकरणी गुन्हा दाखल करण्यात आला.

वाळूजला दोन ट्रकच्या बॅटऱ्या लंपास

वाळूज महानगर : वाळूज येथे दोन ट्रकच्या बॅटऱ्या लांबविणाऱ्या चोरट्याविरुध्द गुन्हा दाखल करण्यात आला. शेख अनीस अमीन (रा. वाळूज) यांनी आठवडाभरापूर्वी ट्रक ( एमएच २०, डी. के. ३७०६) ग्रामपंचायत कार्यालयासमोर उभी केली होती. चोरट्याने संधी साधून या ट्रकची ६ हजाराची बॅटरी चोरुन नेली. दुसऱ्या घटनेत शेख ताहेर (रा. वाळूज) यांचा ट्रकची (एमएच २०, सी. टी. ६८१८) बॅटरी चोरट्याने चोरुन नेली.

उद्योगनगरीत बेशुद्ध आढळलेल्या अनोळखीचा मृत्यू

वाळूज महानगर : वाळूज उद्योगनगरीत मंगळवारी सायंकाळी ५ च्या सुमारास बेशुद्धावस्थेत आढळलेल्या अनोळखी व्यक्तीला उपचारासाठी शासकीय रुग्णालयात दाखल केले असता, त्यास मृत घोषित केले. त्याचे वय अंदाजे ४० असून, हातावर ओम व विंचू असे गोंदलेले आहे.