पंढरपुरात पोलीस कर्मचाऱ्यास मारहाण

एमआयडीसी वाळूज पोलीस ठाण्याचे निरीक्षक मधुकर सावंत, पोना. बाबासाहेब काकडे, चालक गणेश पाटील हे कोविडच्या पार्श्वभूमीवर गुरुवारी (दि. २२) दुपारी १२ वाजेच्या सुमारास गस्त घालत होते. पंढरपुरातील जॉन वाइन शॉप या दुकानासमोर मद्यपींची गर्दी दिसून आल्याने पोलीस पथकाने ही गर्दी पांगविली. दरम्यान, पोना. काकडे यांना एका इसमाने वाद घालण्यास सुरुवात केली. या वेळी पोना. काकडे हे त्या इसमास समजावून सांगत असताना त्याने रस्त्यावरील सिमेंटचा गट्टू उचलून पोना. काकडे यांच्या छातीवर मारला. यानंतर पोना. काकडे यांनी गट्टू मारणाऱ्यास पकडण्याचा प्रयत्न केला असता तो घटनास्थळावरून पळून जात असताना त्याचा मोबाइल खाली पडला व तो फरार झाला. बाबासाहेब काकडे यांच्या फिर्यादीवरून फरार आरोपीविरुद्ध गुन्हा दाखल करण्यात आला आहे.

-----------------------