रिया चक्रवर्तीच्या बॉलिवूड वापसीची तयारी

अभिनेता सुशांतसिंह राजपूत याच्या निधनानंतर चर्चेत आलेली त्याची गर्लफ्रेंड रिया चक्रवर्ती लवकरच सिनेमात दिसू शकते. ड्रग्जप्रकरणात महिनाभर तुरुंगात राहिल्यानंतर ती जामिनावर आहे. रियाला रिलॉन्च करण्यासाठी जबरदस्त वातावरण निर्मिती केली जातेय. आलिया भट्टची आई सोनी राजदानने रियाला पाठिंबा देत, ती निर्दोष असल्याचा पुनरुच्चार केला आहे. रियाने अद्याप कोणताही नवा सिनेमा साइन केलेला नाही. मात्र सुशांतच्या मृत्यूआधी तिने साइन केलेला ‘चेहरे’ हा सिनेमा येत्या काळात रिलीज होतोय. यात अमिताभ बच्चन व इमरान हाश्मी लीड रोलमध्ये आहेत.

प्रिया बापटने दिली गुड न्यूज

प्रिया बापटने सोशल मीडियावर एक व्हिडिओ शेअर करत चाहत्यांना गुड न्यूज दिली आहे. दादा एक गुड न्यूज आहे या नाटकाचा पुण्यातील प्रयोग हाउसफुल झाला असल्याचे ती या व्हिडिओद्वारे सांगत आहे. व्हिडिओमध्ये प्रिया म्हणते, ‘मी सध्या बालगंधर्व नाटकाच्या परिसरात आहे. या व्हिडिओत आपल्याला हाउसफुलचा बोर्ड दिसत असून, या बोर्डवर हार घालताना मंडळी दिसत आहेत. आमचा आता प्रयोग असून, आम्ही प्रयोगाच्या तयारीला जात आहोत. केवळ तुमच्यासोबत ही गुड न्यूज शेअर करायची होती. या व्हिडिओत प्रियासोबतच उमेश कामत, हृता दुर्गुले यांसारखे नाटकातील कलाकारदेखील दिसत आहेत.

हिना खान व्हॅकेशन मोडवर

अभिनेत्री हिना खान सोशल मीडियावर नेहमीच आपले व्हॅकेशनचे फोटो शेअर करत असते. हिना सध्या सुला वाइनयार्डमध्ये चिल करताना दिसतेय. हिनाचे सुला वाइनयार्डमधल्या व्हॅकेशनचे फोटो सोशल मी़डियावर व्हायरल होतायेत. हिना खान तिच्या अभिनयासोबतच तिच्या लूकमुळे चर्चेत असते. हिना खानने ये रिश्ता क्या कहलाता है या मालिकेद्वारे तिच्या कारकिर्दीला सुरुवात केली होती.