प्राध्यापकांच्या पदोन्नतीसाठीच्या तारखा पुन्हा जाहीर

२८ ते ३१ जानेवारीदरम्यान विद्यापीठातील शारीरिक शिक्षण विभागात जिल्हा आणि विषयवार शिबिराचे आयोजन केले आहे.

औरंगाबाद : डॉ. बाबासाहेब आंबेडकर मराठवाडा विद्यापीठाशी संलग्न महाविद्यालयातील प्राध्यापकांच्या पदोन्नतीचा प्रश्न अनेक दिवसांपासून प्रलंबित आहे.

पदोन्नतीसाठी जिल्हानिहाय शिबिरे आयोजित करण्यासाठी अनेक वेळा तारखा जाहीर करण्यात आल्या. मात्र, प्रत्यक्षात प्रत्येक वेळी तारीख बदलण्यात आली. यानंतर आता पुन्हा एकदा नव्याने तारीख देण्यात आली आहे. २८ ते ३१ जानेवारीदरम्यान विद्यापीठातील शारीरिक शिक्षण विभागात जिल्हा आणि विषयवार शिबिराचे आयोजन केले असल्याचे पत्र विद्यापीठ प्रशासनाने काढले आहे.