वडीगोद्रीत पुन्हा बिबट्याचा धुमाकूळ

अंबड तालुक्यातील वडीगोद्री परिसरात बिबट्याने पुन्हा धुमाकूळ घातला असून, त्याने एका शेळीचा फडशा पाडल्याची घटना शनिवारी रात्री ९ वाजेच्या सुमारास घडली.

लोकमत न्यूज नेटवर्क
वडीगोद्री : अंबड तालुक्यातील वडीगोद्री परिसरात बिबट्याने पुन्हा धुमाकूळ घातला असून, त्याने एका शेळीचा फडशा पाडल्याची घटना शनिवारी रात्री ९ वाजेच्या सुमारास घडली.
काही दिवसापूर्वी वडीगोद्री शिवारात बिबट्याने धुमाकूळ घातला होता. या बिबट्यामुळे परिसरात भितीचे वातावरण निर्माण झाले होते. आता पुन्हा हा बिबट्या परिसरात आढळून आला असून, त्यांने येथील गट क्रमांक ८७ मधील डॉ. राजेंद्र गावडे यांच्या शेळीवर हल्ला करत शेळी घेऊन गेला. जनावरांचा ओरडण्याचा आवाज ऐकताच सालगड्याने उठून बघितल ेअसता, तेथे शेळी आढळून आली नाही. परिणामी, येथील नागरिकांमध्ये भितीचे वातावरण पसरले आहे.