रिंकू राजगुरूची अदाच न्यारी

प्रियाच्या एथनिक आउटफिटमध्ये ग्लॅमरस अदा

नाटक, चित्रपट या माध्यमात विविध भूमिका साकारून रसिकांच्या मनात प्रिया बापटने वेगळे स्थान निर्माण केले आहे. नुकतेच प्रियाने एथनिक लूकमधील फोटो सोशल मीडियावर शेअर केले आहेत. एथनिक लूकमध्ये ती खूप सुंदर दिसत असून तिचे चाहते या फोटोंवर फिदा झाले आहेत. या फोटोंवर लाइक्स आणि कमेंट्सचा वर्षाव होतो आहे. दरम्यान, लवकरच प्रिया एका इंटरनॅशनल प्रोजेक्टमध्ये दिसणार आहे. आदित्य कृपलानीच्या या कलाकृतीचे नाव फादर लाइक असे आहे. सिंगापूरमध्ये याचे चित्रीकरण होणार असून हिल्याच इंटरनॅशनल प्रोजेक्टसाठी प्रिया उत्सुक आहे.

राजकुमारसोबत जान्हवीचे ठुमके

राजकुमार राव आणि जान्हवी कपूरच्या ‘रुही’ सिनेमाची जोरदार चर्चा सुरू आहे. ‘स्त्री’ प्रमाणेच ‘रुही’ हा सिनेमादेखील हॉरर कॉमेडी असणार आहे. सिनेमाच्या ट्रेलरमुळे प्रेक्षकांची उत्सुकता चांगलीच ताणली गेली आहे. आता ‘पनघट’ हे सिनेमातील पहिलं गाणं रिलीज झालंय. याचा व्हिडीओ राजकुमार राव तसंच जान्हवीने सोशल मीडियावर शेअर केलाय. त्यानंतर लागलीच हे गाणं व्हायरल झालं असून चाहत्यांच्या पसंतीस पडत आहे. गाण्यात जान्हवीचे दोन वेगवेगळे लूक पाहायला मिळत आहेत. हॉरर कॉमेडी सिनेमात अभिनय करण्याची जान्हवी कपूरची ही पहिलीच वेळ आहे.