स. भु.ने जिंकली आंतरशालेय क्रिकेट स्पर्धा

सरस्वती भुवन प्रशालेने अल्फोन्सा स्कूलचा ८ विकेटस् राखून पराभव करताना जिल्हा क्रिकेट संघटनेतर्फे आयोजित आंतरशालेय गादिया चषक क्रिकेट स्पर्धा जिंकली. अष्टपैलू कामगिरी करणारा कृष्णा पवार सामनावीर ठरला.

औरंगाबाद : सरस्वती भुवन प्रशालेने अल्फोन्सा स्कूलचा ८ विकेटस् राखून पराभव करताना जिल्हा क्रिकेट संघटनेतर्फे आयोजित आंतरशालेय गादिया चषक क्रिकेट स्पर्धा जिंकली. अष्टपैलू कामगिरी करणारा कृष्णा पवार सामनावीर ठरला.
शुक्रवारी एडीसीएच्या मैदानावर झालेल्या अंतिम सामन्यात अल्फोन्सा संघाने १४.५ षटकांत सर्वबाद ९६ धावा केल्या. त्यांच्याकडून उत्सव सिन्हाने ३१ चेंडूंत ३२ व सौरभ चौधरीने ११ चेंडूंत १९ धावा केल्या. सरस्वती भुवन प्रशालेकडून कृष्णा पवार, प्रसाद कुलकर्णी व मंदार कुलकर्णी यांनी प्रत्येकी २ गडी बाद केले. प्रत्युत्तरात सरस्वती भुवन प्रशालेने विजयी लक्ष्य १३.२ षटकांत २ गडी गमावून १00 धावा करीत पूर्ण केले. सरस्वती भुवन प्रशालेकडून कृष्णा पवारने ४0 चेंडूंत ८ चौकार व एका षटकारासह ६१ आणि आकाश राठी याने नाबाद ३२ धावा केल्या. अल्फोन्सा संघाकडून जहागीर हकीम याने १५ धावांत २ गडी बाद केले.
अंतिम सामन्यानंतर सुभाष धूत, अ‍ॅड. गोपाल पांडे, जिल्हा क्रिकेट संघटनेचे कोषाध्यक्ष सुभाष पटेल, सदस्य रमेश गुमास्ते, मोहन बोरा, शेख हबीब, पंच सय्यद जमशीद, निकोलस अ‍ॅन्थोनी, हिरासेठ गादिया, जितेंद्र गादिया यांच्या उपस्थितीत बक्षीस वितरण झाले.

स्पर्धेचे मानकरी
सामनावीर : अक्षय राठी
उत्कृष्ट गोलंदाज : देवाशिष भावसार
फलंदाज : ओंकार शिंदे
मालिकावीर : कृष्णा पवार