एस. एस. स्ट्रायकर्सने जिंकली सी. ए.क्रिकेट स्पर्धा

एमजीएम क्रिकेट मैदानावर झालेल्या चार्टर्ड अकाऊंटंटस् टेन १0 क्रिकेट स्पर्धेत एस. एस. स्ट्रायकर्स संघाने अजिंक्यपद पटकावले. एस. एस. स्ट्रायकर्सने अंतिम सामन्यात क्रिकेटिंग फॅन्टमस संघावर ८ गडी राखून मात केली.

औरंगाबाद : एमजीएम क्रिकेट मैदानावर झालेल्या चार्टर्ड अकाऊंटंटस् टेन १0 क्रिकेट स्पर्धेत एस. एस. स्ट्रायकर्स संघाने अजिंक्यपद पटकावले. एस. एस. स्ट्रायकर्सने अंतिम सामन्यात क्रिकेटिंग फॅन्टमस संघावर ८ गडी राखून मात केली.
क्रिकेटिंग फॅन्टम संघाने प्रथम फलंदाजी करताना १0 षटकांत ७ बाद ६९ धावा केल्या. त्यांच्याकडून स्वप्नील ठोलेने २३ चेंडूंत २0 व अर्जुन याने १४ धावांचे योगदान दिले. एस. एस. स्ट्रायकर्सकडून पुनित अग्रवाल व आदित्यने १ गडी बाद केला. प्रत्युत्तरात एस. एस. स्ट्रायकर्स संघाने विजयी लक्ष्य ८.१ षटकांत २ गडी गमावून गाठले. त्यांच्याकडून पुनित अग्रवालने २३ चेंडूंत ४ चौकारांसह नाबाद ३0 धावा केल्या. क्रिकेटिंग फॅन्टम्स संघाकडून अनिकेतने १८ धावांत २ गडी बाद केले.