राजाबाजार परिसरात श्वानाच्या तोंडात बालकाचे शीर आढळ्याने खळबळ

दोन ते तीन महिन्यांच्या बालकाचे शीर असल्याचा अंदाज

ठळक मुद्देबालकाचे शीर नुकतेच धडावेगळे करण्यात आले असल्याचा अंदाज

औरंगाबाद : राजाबाजार येथे दोन तीन महिन्याच्या बालकाचे शीर एक श्वान तोंडात घेऊन जाताना आढळून आले . यावेळी प्रत्यक्षदर्शीनी कुत्र्याला हुसकावल्याने शीर सोडून श्वान पळून गेले. ही  खळबळजनक घटना बुधवारी सकाळी घडली .

याबाबत प्राप्त माहिती अशी की ,  आज पासून सकाळी ७ ते ११ याकाळातच नागरीकांना दैनंदिन गरजेच्या वस्त्तू खरेदीची मुभा देण्यात आली ,. ११ वाजेनंतर सर्व दुकाने बंद राहणार असल्याने नागरीक गरजेच्या वस्तू खरेदीसाठी घराबाहेर पडले होते . राजाबाजार येथील एका वाड्यासमोरुन जाणाऱ्या श्वानाच्या तोंडात बालकाचे शीर असल्याचे नागरिकांना दिसले . भयावह दृश्य पाहुन प्रत्यक्ष दर्शीनी त्या श्वानाला दगड मारून हुसकावले यावेळी त्याच्या तोंडातून बालकाचे शीर खाली पडले . हे शीर नुकतेच धडावेगळे केलेले असल्याने त्यातून रक्तस्त्राव होत होता. यानंतर नागरिकांनी याची माहिती तेथील सफाई कर्मचारी यांना दिली. त्यांनी लागलीच याबाबत पोलिसांना माहिती दिली.

या घटनेची माहिती मिळताच सिटीचौक पोलिसांनी घटनास्थळी धाव घेऊन ते शीर घाटी रुग्णालयाच्या शवागृहात हलविले . बालकाचा धडावेगळे शीर करून हत्या करण्यात आली असावी असा संशय व्यक्त असून पोलिसांनी तपास सुरू केला आहे.