उपअधीक्षकांसह सहा जणांचे अर्ज फेटाळले

बीड : अंबाजोगाई येथील शहर ठाण्यातील पोलीस कर्मचारी संतोष चाटे आत्महत्या प्रकरणी बुधवारी अतिरिक्त जिल्हा व सत्र न्यायालयाने उपअधीक्षक नीलेश मोरे यांच्यासह सहा जणांचे अटकपूर्व जामीन अर्ज फेटाळून लावले.
सुसाईड नोटवरून उपअधीक्षक नीलेश मोरे, निरीक्षक एस. बी. पौळ, सहायक निरीक्षक बी. डी. बोरसे, मेडिकल चालक योगेश गुजर, त्याचा भाऊ डॉ. गुजर व अन्य दोघांविरुद्ध गुन्हा नोंद आहे. न्यायालयाने त्यांचे अटकपूर्व जामीन फेटाळल्याने त्यांच्यापुढील अडचणी वाढल्या आहेत. सरकार पक्षाकडून अ‍ॅड. लक्ष्मण फड यांनी काम पाहिले. (प्रतिनिधी)