स्मार्ट बस थांबा...

स्मार्ट सिटी डेव्हलपमेंट कॉर्पोरेशन लिमिटेडने स्मार्ट सिटी बसकरिता शहरात स्मार्ट बस थांबे उभारण्याचा निर्णय घेतला. या बस थांब्याच्या प्रतिकृतीचे फेब्रुवारी, २०२० मध्ये मुख्यमंत्र्यांच्या हस्ते उद्घाटन झाले. नंतर जागोजागी उभारण्यात आलेल्या या स्मार्ट बस थांब्याचे शहरवासीयांनी कौतुक केले. मात्र, आजघडीला यातील काही बस थांब्यांची दुरवस्था झाली आहे. नॅशनल हायवे अथॉरिटीने जालना रोडच्या लगतचे काम हाती घेतले आहे. जिल्हा न्यायालय समोरील हा स्मार्ट थांबा उभारताना, ती जागा भविष्यात रस्त्याच्या विस्तारत जाऊ शकते, यांचा विचार झाला नाही. यामुळे स्मार्ट बस थांबा असा समोरील बाजूस फोडण्यात आला. केवळ स्मार्ट कामे करून चालणार नाही, तर त्याचे नियोजन, देखभालही स्मार्ट असायला हवी, असा संदेश तर हा दुरवस्था झालेला स्मार्ट बस थांबा देत नसेल ना.