सुबोध भावे, घोडेस्वारी आणि ‘नवी तयारी’

मराठी चित्रपटसृष्टीतील प्रसिद्ध अभिनेता सुबोध भावेने विविध भूमिका साकारून रसिकांच्या मनात स्थान निर्माण केले आहे तसेच तो सोशल मीडियावर सक्रिय असून या माध्यमातून तो आपल्या चाहत्यांशी संवाद साधत असतो. याशिवाय आपल्या आगामी प्रोजेक्टबद्दल अपडेट देत असतो. नुकताच त्याने इन्स्टाग्रामवर एक व्हिडिओ शेअर केला आहे, ज्याची सर्वत्र चर्चा होताना दिसते आहे. व्हिडिओ तो घोडेस्वारी करताना दिसतो आहे. हा व्हिडिओ शेअर करत त्याने कॅप्शनमध्ये ‘तयारी’ असे लिहिले आहे. एरव्ही दमदार अभिनयाबरोबर वेगवेगळ्या भूमिकांचा माध्यमातून प्रेक्षकांच्या भेटीला येणारा सुबोध आता काय नवीन घेऊन येतोय, हे जाणून घेण्यासाठी त्याचे चाहते उत्सुक झाले आहेत.

ईशा-ऋषीच्या फोटोवर लाईक्सचा वर्षाव

अभिनेत्री ईशा केसकर आणि अभिनेता ऋषी सक्सेना रिलेशनशीपमध्ये आहेत. गेल्या तीन वर्षांपासून दोघे एकमेकांना डेट करतायेत. ‘चला हवा येऊ द्या’ च्या सेटवर ऋषी आणि ईशा यांची ओळख झाली होती. या दोघांमधील रोमाँटिक केमिस्ट्री त्यांच्या फॅन्स आवडते. ‘काहे दिया परदेस’ या मालिकेत ऋषी सक्सेनाने शिवची भूमिका साकारली होती. ऋषी हा अमराठी असला तरी त्याने त्याच्या अभिनयाने प्रेक्षकाचे मन जिंकले होते. ईशाने अलीकडेच इन्स्टाग्रामवर अभिनेता ऋषी सक्सेनासोबतचा फोटो शेअर केला आहे. फोटोत दोघांची जोडी खूपच क्यूट दिसते. दोघांनी फोटोत ट्रेडिशनल कपडे परिधान केले आहेत. फॅन्सनी दोघांच्या फोटोवर लाईक्स आणि कमेंट्सचा वर्षाव केला आहे.

व्हाईट आऊटफिटमधील श्रुतीने वेधले लक्ष

अभिनेत्री श्रुती मराठेने विविध मराठी, तमिळ चित्रपटात काम केले आहे. साउथमध्ये ती ‘श्रुती प्रकाश’ या नावाने प्रसिद्ध आहे. श्रुती सोशल मीडियावर आपली भूमिका, सेटवरील किस्से यासह स्वतःचे फोटो आणि व्हिडिओ सातत्याने शेअर करत असते. वेगवेगळ्या अंदाजातील श्रुतीच्या फोटोंना रसिकांनी कायमच पसंतीची पावती दिली आहे. तिच्या अभिनयासह तिचं सौंदर्य आणि अदा रसिकांना भावल्या आहेत. अलीकडेच तिने तिचे ‘व्हाईट ड्रेस’मधील फोटो इन्स्टाग्रामवर शेअर करत सगळ्यांचं लक्ष वेधलं आहे. या फोटोत श्रुती खूपच सुंदर दिसते आहे. त्यातील सिंपल लूकने श्रुतीच्या सौंदर्याला चार चाँद लावते आहे. तिच्या फोटोवर फॅन्सनी लाईक्स आणि कमेंट्सच्या माध्यमातून चाहत्यांनी आपली पसंती दर्शवली. सेलिब्रेटींनीही तिच्या या फोटोवर कमेंट्स केल्या आहेत.