दोघांची गळफास घेऊन आत्महत्या

परभणी : तालुक्यातील धारणगाव येथे महिलेने व जिंतूर तालुक्यातील वस्सा येथील एका इसमाने गळफास घेऊन आत्महत्या केल्याची घटना २७ आॅगस्ट रोजी घडली. या प्रकरणी पोलिस ठाण्यात गुन्हा दाखल करण्यात आला आहे.
परभणी तालुक्यातील धारणगाव येथील मुक्ताबाई श्रीधर डोंबे (वय २४) या विवाहित महिलेने २६ आॅगस्ट रोजी रात्री राहत्या घरी गळफास घेऊन आत्महत्या केली. ही घटना २७ आॅगस्ट रोजी उघडकीस आली.
मुक्ताबाई श्रीधर डोंबे हिस माहेराहून ट्रॅक्टर घेण्यासाठी १० लाख रुपये का आणत नाही? म्हणून शिवीगाळ, मारहाण, शारीरिक व मानसिक छळ करून सासरच्या मंडळीने गळफास घेण्यास प्रवृत्त केल्याबद्दल ग्रामीण पोलिस ठाण्यात सासरच्या पाच जणांविरुद्ध लक्ष्मण बोखारे (रा. फुकटगाव ता. पूर्णा) यांच्या फिर्यादीवरून गुन्हा दाखल करण्यात आला आहे. यामध्ये श्रीधर बबनराव डोंबे (पती), बबन विश्वनाथ डोंबे (सासरा), सुनंदा बबनराव डोंबे (सासू), कफूबाई, संध्या (नणंद) (सर्व रा. धारणगाव) यांच्याविरुद्ध परभणी ग्रामीण पोलिस ठाण्यात गुन्हा दाखल करण्यात आला आहे.
परभणी ग्रामीण पोलिस ठाण्याचे पोलिस निरीक्षक जाधव यांच्या मार्गदर्शनाखाली एस.जी. गायकवाड, कुकडे हे तपास करीत आहेत. (प्रतिनिधी)
पाईपला गळफास घेऊन आत्महत्या
जिंतूर तालुक्यातील वस्सा येथील वाहेद खॉ हसन खॉ पठाण (वय ५५) यांनी २७ आॅगस्ट रोजी सकाळी ११.३० वाजेच्या सुमारास आपल्या राहत्या घरी लोखंडी पाईपला गळफास घेऊन आत्महत्या केली. या प्रकरणी बोरी पोलिस ठाण्यात शारूख खान रहेमान खान पठाण यांच्या फिर्यादीवरून आकस्मीत मृत्यूची नोंद करण्यात आली आहे. या प्रकरणाचा तपास सहाय्यक पोलिस निरीक्षक विश्वनाथ झुंजारे यांच्या मार्गदर्शनाखाली पो.हे.कॉ. प्रकाश पंडित, संतोष सानप हे तपास करीत आहेत. आसेगाव येथील प्राथमिक आरोग्य केंद्रात वाहेद खॉ हसन खॉ पठाण यांचे शवविच्छेदन करण्यात आले.