ट्रक, दुचाकीच्या अपघातात दोन ठार

कन्नड : सोलापूर-धुळे या राष्ट्रीय महामार्ग क्रमांक ५२ वर शनिवारी सकाळी साडेदहा वाजेच्या सुमारास अंबाडी धरणाच्या वळणावर एकाच दिशेने धावणाऱ्या ट्रक व दुचाकी यांच्यात अपघात झाला. या अपघातात दुचाकीवरील दोन जण जागीच ठार झाले.

राष्ट्रीय महामार्ग क्रमांक ५२ वर कन्नडजवळील अंबाडी धरणाजवळ ट्रक (क्र. टीएन ४५ बीक्यू २१७४) आणि दुचाकी (क्र. एमएच १४ जीइ ७५३५) ही दोन्ही वाहने शनिवारी सकाळी चाळीसगावकडून कन्नडकडे येत होती. या दरम्यान, सकाळी साडेदहाच्या सुमारास अंबाडी धरणाच्या वळणावर ट्रकला मागच्या बाजूने दुचाकी धडकल्याने या अपघात सुभाष भाऊराव मधे (३५), महादू हिरामण अधान (३०) हे जागीच ठार झाले. मयत दोघेही कन्नड तालुक्यातील अंबाला ठाकुरवाडी येथील हाेते.

या घटनेची माहिती मिळताच, महामार्ग पोलीस पथकाचे सपोनि सुरेश भाले, पो.कॉ अमर आळंजकर, शहर पोलीस ठाण्याचे उपनिरीक्षक बलभीम राऊत, बीट अंमलदार रामचंद्र बोन्द्रे यांनी घटनास्थळी भेट देत, सुभाष मधे आणि महादू अधान यांना ग्रामीण रुग्णालयात आणले. डॉक्टरांनी त्यांना तपासून मयत घोषित करत शवविच्छेदन केले. पोलिसांनी अपघातग्रस्त ट्रक शहर पोलीस ठाण्यात जमा केला असून, आकस्मात मृत्युची नोंद करण्यात आली आहे.

--- फोटो

290521\img_20210529_155320_1.jpg~290521\img_20210529_155912_1.jpg

महादू अधान~