Video - पुतणीच्या लग्नात डान्स करताना काकाला हार्ट अटॅक; कुटुंबावर कोसळला दु:खाचा डोंगर

लग्न समारंभात डान्स करताना एका व्यक्तीला आपला जीव गमवावा लागला. आपल्या पुतणीच्या लग्नात डान्स करत असताना काकाचा मृत्यू झाला आहे.

छत्तीसगडमधील भिलाई येथून एक धक्कादायक घटना समोर आली आहे. लग्न समारंभात डान्स करताना एका व्यक्तीला आपला जीव गमवावा लागला. आपल्या पुतणीच्या लग्नात डान्स करत असताना काकाचा मृत्यू झाला आहे. नाचता नाचता त्यांना हृदयविकाराचा झटका आला आणि स्टेजवरच त्यांचा मृत्यू झाला. या घटनेचा व्हिडीओ सोशल मीडियावर जोरदार व्हायरल होत आहे. परिसरात खळबळ उडाली असून कुटुंबीयांना मोठा धक्का बसला आहे. 

मिळालेल्या माहितीनुसार, दिलीप दल्ली हे राजहरा येथील इलेक्ट्रिकल इंजिनिअरिंग विभागात ऑसिस्टेंट इंजिनिअर होते. 52 वर्षीय दिलीप स्टेजवर पंजाबी गाण्यांवर जबरदस्त डान्स करत असल्याचे व्हायरल व्हिडिओमध्ये स्पष्टपणे दिसत आहे. त्यांच्यासोबत वधू-वरही नाचत आहेत. दिलीप उत्साहात नाचत होते. तेवढ्यात ही हृदयद्रावक घटना घडली आहे. 

भांजी की शादी में जमकर डांस कर रहा था मामा, शादी का जश्न बदला मातम में, देखिए मौत का लाइव वीडियो... pic.twitter.com/uPJdUtshqf

— DILIP SHARMA (ABP NEWS) (@DipDipsharma3) May 10, 2023

नाचताना झाला मृत्यू 

नातेवाईकांचे म्हणणे आहे की, दिलीप हे 4 मे रोजी पुतणीच्या लग्नासाठी गावी आले होते. आनंदाच्या वातावरणात ते स्टेजवर जोरदार नाचत होते. अचानक त्यांना वेदना जाणवू लागल्याने ते स्टेजवर बसले पण थोड्या वेळाने ते खाली पडले. आजूबाजूला उपस्थित असलेल्या सर्व नातेवाईकांनी त्यांना उचलून उपचारासाठी रुग्णालयात नेले, त्यानंतर डॉक्टरांनी त्यांना मृत घोषित केले.

डान्स करताना अचानक हृदयविकाराचा झटका

शवविच्छेदनानंतर मृतदेह नातेवाईकांच्या ताब्यात देण्यात आला आहे. दिलीप यांच्या कुटुंबात दोन मुली आणि पत्नी आहेत. या घटनेनंतर कुटुंबावर शोककळा पसरली आहे. रडून रडून नातेवाईकांची वाईट अवस्था झाली आहे. डॉक्टरांच्या म्हणण्यानुसार महिलेला हृदयविकाराचा झटका आला होता त्यामुळे मृत्यू झाला. एका हिंदी वेबसाईटने याबाबतचे वृत्त दिले आहे.