भारतीय संघाचा माजी कर्णधार महेंद्रसिंग धोनीनं शनिवारी आंतरराष्ट्रीय क्रिकेटमधून निवृत्ती जाहीर करताना चाहत्यांना मोठा धक्का दिला. 15 ऑगस्ट 2020 ही तारीख धोनी चाहत्यांसाठी धक्का देणारी ठरली. मागील वर्षभरापासून धोनीच्या निवृत्तीची चर्चा सुरू होतीच, पण धोनी मैदानाबाहेर निवृत्त होईल, असा विचार कुणी ध्यानी मनी केला नसेल. धोनीच्या निवृत्तीनंतर बाहुबली फेम अभिनेत्री अनुष्का शेट्टीनं एक भावनिक पोस्ट लिहिली आहे.
वन डे, ट्वेंटी-20 वर्ल्ड कप आणि चॅम्पियन्स ट्रॉफी या आयसीसीच्या तीनही प्रमुख स्पर्धा जिंकणारा जगातला एकमेव कर्णधार आहे धोनी. आयसीसीच्या कसोटी क्रमवारीत टीम इंडियानं अव्वल स्थान मिळवले, ते धोनीच्या नेतृत्वाखालीच. 40 वर्षांत ऑस्ट्रेलियाला कसोटीत व्हाईटवॉश कुणी दिला नव्हता, तो धोनीच्या नेतृत्वाखाली टीम इंडियानं विक्रम नोंदवला. याशिवाय त्याच्या नावावर अनेक वर्ल्ड रेकॉर्ड आहेत.
धोनीनं 90 कसोटी सामन्यांत 38.09 च्या सरासरीनं 6 शतकं व 33 अर्धशतकांसह 4876 धावा केल्या आहेत. 350 वन डे क्रिकेटमध्ये त्याची सरासरी ही 50.57 इतकी आहे. त्याच्या 10773 धावांत 10 शतकं व 73 अर्धशतकांचा समावेश आहे. ट्वेंटी-20 क्रिकेटमध्ये त्यानं 98 सामन्यांत 1617 धावा केल्या आहेत. यष्टिरक्षणात कसोटीत त्याच्या नावावर 256 झेल व 38 स्टम्पिंग, वन डेत 321 झेल व 123 स्टम्पिंग आणि ट्वेंटी-20त 57 झेल व 34 स्टम्पिंग आहेत.
बाहुबली फेम अनुष्का शेट्टीनं लिहिलं की,''चॅम्पियन बनण्याचा विश्वास तू आमच्यात निर्माण केलास. तुझ्या नेतृत्वाखाली आम्ही जिंकलेल्या सर्व विजयाचा अभिमान आहे. तू आम्हाला विजयाची सवय लावलीस.. प्रत्येक क्रिकेट चाहत्याचं स्वप्न तू सत्यात उतरवलंस आणि तुझ्या निवृत्तीनं आम्हाला वास्तविकतेची जाण करून दिली.''
''तुझ्या या निर्णयानं हर्ट झालीय, परंतु आम्ही तुझ्यासोबत आहोत. तू आमच्यासाठी प्रेरणादायी आहेस, युवा क्रिकेटपटूंमध्ये तू निर्माण केलेला विश्वास, असाच वाढत राहणार आहे. तू मिळवलेल्या यशाबद्दल तुझे अभिनंदन आणि पुढच्या इनिंगसाठी शुभेच्छा,''असेही तिनं लिहिलं.
अन्य महत्त्वाच्या बातम्या
CPL 2020 : किप डिस्टन्स!; कोरोना व्हायरसमुळे विकेट सेलिब्रेशनची स्टाईलच बदलली, पाहा हा व्हिडीओ
अथिया शेट्टीच्या 'स्विमसूट' घातलेल्या फोटोवर लोकेश राहुलनं केलेल्या कमेंटनं चाहते चक्रावले
महेंद्रसिंग धोनीकडून 'या' तीन गोष्टी शिकण्यासारख्या; आनंद महिंद्रा यांचं मोजक्या शब्दात कौतुक
CPL 2020 : पाकिस्तानी फलंदाजाला 'इंग्रजी' येईना, नेपाळचा गोलंदाज धावला मदतीला, Video
विनम्रता, साधेपणा, हार-जीत, हेअरस्टाईल; पंतप्रधान मोदींचं धोनीला खास पत्र
Web Title: Baahubali actress Anushka Shetty pens tribute for MS Dhoni: You taught us how to make winning a habit
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
