इंडियन प्रीमिअर लीग २०२१च्या दुसऱ्या टप्प्याला १९ सप्टेंबरपासून सुरूवात होणार आहे. कोरोनाचं संकट आणि आंतरराष्ट्रीय दौऱ्यांमुळे काही परदेशी खेळाडूंना आयपीएलच्या या टप्प्याला मुकावे लागणार आहे. त्यामुळे सर्व संघ बदली खेळाडू शोधत आहेत. काही दिवसांपूर्वी रॉयल चॅलेंजर्स बँगळुरू ( RCB) संघानं तीन बदली खेळाडूंची नावं जाहीर केली होती आणि त्यात आज आणखी एक नाव जोडले गेले आहे. राजस्थान रॉयल्सनंही ( RR) ट्वेंटी-२०तील नंबर वन खेळाडूला आपल्या ताफ्यात घेत अन्य संघांना मोठा धक्का दिला आहे.
जोफ्रा आर्चर आयपीएल खेळणार नसल्यानं RRला मोठा धक्का बसलाच आहे, त्यात बेन स्टोक्सच्या समावेशाबद्दलही अद्याप स्पष्टता नाही. पण, राजस्थान रॉयल्सनं दक्षिण आफ्रिकेचा फिरकीपटू तब्रेझ शम्सीला ताफ्यात दाखल करून घेतले आहे. शम्सी हा आयसीसीच्या ट्वेंटी-२० गोलंदाजांच्या क्रमवारीत अव्वल स्थानावर आहे. त्यानं ३९ आंतरराष्ट्रीय ट्वेंटी-२० सामन्यांत ४५ विकेट्स घेतल्या आहेत. एकूण १६३ ट्वेंटी-२०त त्याच्या नावावर १८३ विकेट्स आहेत. आफ्रिकेकडून त्यानं २ कसोटी व २७ वन डे सामनेही खेळले आहेत. ( Tabraiz Shamsi joins Rajasthan Royals for IPL 2021.)
पंजाब किंग्सनं आंतरराष्ट्रीय क्रिकेटमध्ये पदार्पणात हॅटट्रिक घेत वर्ल्ड रिकॉर्ड नोंदवलेल्या नॅथन एलिसला करारबद्ध केलं. विराट कोहलीच्या रॉयल चॅलेंजर्स बँगलोर ( RCB) संघानंही तीन खेळाडूंना करारबद्ध केले आहे. ऑस्ट्रेलियाचा फिरकीपटू अ‍ॅडम झम्पा हा दुसऱ्या टप्प्यात सहभागी होणार नाही. त्याच्या जागी RCBनं श्रीलंकेचा अष्टपैलू खेळाडू वनिंदू हसरंगा याला करारबद्ध केले आहे. यासह दुष्मंथा चमिरा व टीम डेव्हिड हे केन रिचर्डसन व फिन अॅलन यांना रिप्लेस करणार आहेत. RCB नं इंग्लंडचा अष्टपैलू खेळाडू जॉर्ज गार्टन याला करारबद्ध केले. ( England all-rounder George Garton joins the Royal Challengers Bangalore for the rest of #IPL2021)
आता आयपीएलच्या दुसऱ्या टप्प्यात ट्वेंटी-२० क्रमवारीत अव्वल तीन क्रमांकावर असलेले शम्सी, वनिंदू आणि राशिद हे तिन्ही गोलंदाज खेळताना दिसतील. ( Top 3 ranked ICC bowlers in T20is will be part of IPL 2021. Tabraiz Shamsi in Rajasthan Royals, Wanindu Hasaranga in RCB and Rashid Khan in SRH.)
Web Title: ICC No.1 ranked T20I bowler Tabriaz Shamsi joins RR for IPL 2021 UAE leg, England all-rounder George Garton joins RCB
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
