Women's U19 One Day Tournament - १९ वर्षांखालील मुलींच्या वन डे क्रिकेट स्पर्धेत डोंबिवलीच्या सानिका चाळकेने ( Sanika Chalke ) बुधवारी विक्रमी द्विशतक झळकावले. मुंबईचे प्रतिनिधित्व करणार्या सानिकाने द्विशतकी खेळी करताना स्मृती मानधना, जेमिमा रॉड्रीग्ज आणि राघवी बिस्त यांच्या क्लबमध्ये स्थान पटकावले. सानिकाच्या द्विशतकाच्या जोरावर मुंबईने ४ बाद ४५५ धावांचा डोंगर उभे केले आणि सिक्किमची हालत खराब केली.
प्रथम फलंदाजीला आलेल्या मुंबईसाठी सलोनी कुस्ते ( ३१) व अलिना मुल्ला ( ३२) यांनी ठिकठाक सुरुवात करून दिली. कर्णधार तुषी शाह ( १५) लगेच माघारी परतल्याने मुंबईची अवस्था ३ बाद ९८ अशी झाली होती. सानिका चाळके व शार्वी सावे यांनी दमदार फटकेबाजी केली. सानिकाने ११७ चेंडूंत नाबाद २०० धावा केल्या. तिच्या या खेळीत २४ चौकार व ३ षटकारानेच २७ चेंडूंत ११४ धावा आल्या. शार्वीनेही ७९ चेंडूंत १२ चौकार व २ षटकारासह नाबाद १११ धावा करताना संघाला ४ बाद ४५५ धावांचा टप्पा गाठून दिला. प्रत्युत्तरात सिक्कीमने ३ धावांत १ विकेट गमावली आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"