मुंबई इंडियन्सला ( Mumbai Indians) शनिवारी रॉयल चॅलेंजर्स बंगलुरूकडून ( RCB) पराभव पत्करावा लागला. मुंबई इंडियन्सचा हा सलग चौथा पराभव ठरल्याने MI चाहते निराश झाले आहेत. मुंबई इंडियन्सने विजयासाठी ठेवलेले १५२ धावांचे लक्ष्य बंगळुरूने ७ विकेट्स व ९ चेंडू राखून सहज पार केले. अनुज रावतने ४७ चेंडूंत ६६ धावांची मॅच विनिंग खेळी केली आणि त्याला मॅन ऑफ दी मॅच पुरस्काराने गौरवण्यात आले. विराट कोहली ४८ धावांवर दुर्दैवीरित्या बाद झाला. या सामन्यात एक धक्कादायक प्रसंगही घडला. एक फॅन सुरक्षारक्षकांना चकवून थेट मैदानावर घुसला अन् रोहित शर्मा ( Rohit Sharma) च्या जवळ जाण्याचा प्रयत्न करू लागला. सोशल मीडियावर हा व्हिडीओ व्हायरल झाला आहे.
रोहित शर्मा ( २६) व इशान किशन ( २६) यांनी पहिल्या विकेटसाठी ५० धावा जोडल्या, परंतु पुढील २९ धावांत त्यांच्या ६ विकेट्स पडल्या. सूर्यकुमार यादवने ७व्या विकेटसाठी जयदेव उनाडकतसह ४१ चेंडूंत ७२ धावांची भागीदारी केली. सूर्यकुमारने ६८ धावा चोपल्या. जयदेव १३ धावांवर नाबाद राहिला. या दोघांनी मुंबईला ६ बाद १५१ धावांपर्यंत पोहोचवले. प्रत्युत्तरात अनुज रावत ( Anuj Rawat ) आणि फॅफ ड्यू प्लेसिस यांनी ८ षटकांत ५० धावा फलकावर चढवल्या. रावत व विराट कोहली यांनी ५२ चेंडूंत ८० धावांची भागीदारी केली. रावतने ४७ चेंडूंत २ चौकार व ६ षटकारांनी ६६ धावांची खेळी केली. विराटने ३६ चेंडूंत ५ चौकारांसह ४८ धावा केल्या.
चाहता रोहितकडे धावला अन्...
सामना सुरू असताना एक चाहता रोहित शर्माकडे धावत आला आणि त्याला मिठी मारण्याचा प्रयत्न करू लागला. पण, कोरोनाचं सावट अजूनही गेलेलं नाही, हे ध्यानात असलेल्या रोहितने त्याला मागे जायला सांगितले त्याने त्याला व्हर्च्युअर मिठी मारली. रोहितची ही कृती पाहून विराट कोहलीनेही त्याचे कौतुक केले.
पाहा व्हिडीओ..
Web Title: A fan get into the ground and tried to get a hug from Rohit Sharma and hi Gives A Air Hug To Intruder, Virat Kohli Applauds, Watch Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
