इंडियन प्रीमिअर लीग ( IPL), कॅरेबियन प्रीमिअर लीग ( CPL) आणि अमेरिकेतील लीगनंतर शाहरूख खानचा मालकी हक्क असलेल्या नाईट रायडर्स ग्रुपने ( Knight Riders group ) आणखी एका लीगमध्ये गुंतवणूक केली आहे. बॉलिवूड सुपरस्टार शाहरूख खानने ( Shah Rukh Khan ) नुकतीच अमेरिकेत भव्य स्टेडियम उभारणार असल्याची घोषणा केली होती. त्यात आता नव्या फ्रँचायझीच्या खरेदीच्या घोषणेने चाहते आनंदीत झाले आहेत. संयुक्त अरब अमिराती अर्थाय UAE येथे होणाऱ्या ट्वेंटी-२० लीगमध्ये नाईट रायडर्स ग्रुपने फ्रँचायझीचे मालकी हक्क जिंकले आहेत आणि अबुधाबी नाईट रायडर्स Abu Dhabi Knight Riders (ADKR) असे या संघाचे नाव असणार आहे.
![]()
इंडियन प्रीमिअर लीगमध्ये २००८मध्ये कोलकाता नाईट रायडर्स ( KKR) रुपाने शाहरूख खानने ट्वेंटी-२० लीगमध्ये एन्ट्री मारली. त्यानंतर २०१५मध्ये कॅरेबियन प्रीमिअर लीगमध्ये त्रिनबागो नाईट रायडर्सचे ( Trinbago Knight Riders ) हक्क या फ्रँचायझीने मिळवले. नुकतेच नाईट रायडर्स ग्रुपने अमेरिकेत होऊ घातलेल्या मेजर लीग क्रिकेटमध्ये ( MLC) गुंतवणूकीची घोषणा केली आणि Los Angeles Knight Riders नावाने संघ मैदानावर उतरणार आहे. नाईट रायडर्स ग्रुपमध्ये शाहरूखसह बॉलिवूड अभिनेत्री जुही चावला व तिचे पती जय मेहता यांचेही शेअर्स आहेत.
शाहरुख खान म्हणाला,''मागील काही वर्षांत आम्ही नाईट रायडर्स हा ब्रँड जगभरात पोहोचवण्याचा प्रयत्न करतोय आणि यूएईत ट्वेंटी-२० क्रिकेट लीगच्या माध्यमातून आम्ही येथेही एन्ट्री घेत आहोत. यूएई ट्वेंटी-२० लीगचा भाग होण्यासाठी आम्ही उत्सुक आहोत. याही लीगला प्रचंड यश मिळेल, यात शंका नाही.''
Web Title: Abu Dhabi Knight Riders will be the 4th franchise team of Knight Riders group, it will take part in UAE T20 League
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
