ENG vs AFG Live Match | नवी दिल्ली : आज वन डे विश्वचषकात दिल्लीतील अरूण जेटली स्टेडियमवर इंग्लंड आणि अफगाणिस्तान यांच्यात सामना होत आहे. नाणेफेक जिंकून गतविजेत्यांनी अफगाणिस्तानला प्रथम फलंदाजीसाठी आमंत्रित केले. बलाढ्य इंग्लिश संघाला कडवी झुंज देताना अफगाणिस्तानच्या सलामीवीरांनी अप्रमित खेळी केली. रहमानुल्लाह गुरबाज आणि इब्राहिन झादरान यांनी पहिल्या बळीसाठी ११४ धावांची मोठी भागीदारी नोंदवली. पण, शतकाकडे कूच करत असलेला गुरबाज ८० धावांवर असताना बाद झाला अन् अफगाणिस्तानला पहिला झटका बसला. सुरूवातीला स्फोटक खेळी करणाऱ्या अफगाणिस्तानला शेवट चांगला करण्यात अपयश आले अन् अफगाणिस्तानचा संघ ४९.५ षटकांत २८४ धावा करू शकला. त्यामुळे इंग्लंडला विजयासाठी २८५ धावांची आवश्यकता आहे.
गुरबाज धावबाद झाल्यानंतर अफगाणिस्तानची गाडी रूळावरून घसरली. गुरबाजने ४ षटकार आणि ८ चौकारांच्या जोरावर ५७ चेंडूत ८० धावांची शानदार खेळी केली. १४० च्या सरासरीने धावा करून त्याने गतविजेत्यांनी डोकेदुखी वाढवली होती. गुरबाज बाद झाल्यानंतर इंग्लिश संघाने सामन्यात पुनरागमन केले. अफगाणिस्तानचा कर्णधार हशमतुल्ला शाहिदी (१४), अजमतुल्ला उमरझाई (१९) आणि राशिद खान (२३) यांनी साजेशी खेळी करून डाव पुढे नेला.
दरम्यान, इक्रम अलीखिलने ५८ धावांची अर्धशतकी खेळी करून गतविजेत्या इंग्लंडसमोर सन्मानजनक आव्हान ठेवले. सावध खेळी करून अफगाणिस्तानचा डाव पुढे नेत असलेला इक्रम अर्धशतक करून बाद झाला. अफगाणिस्तानने ४८ व्या षटकात २७७ धावांवर आपला आठवा गडी गमावला. खरं तर अफगाणिस्तानचा संघ निर्धारित ५० षटकं देखील खेळू शकला नाही आणि १ चेंडू शिल्लक असताना नवीन-उल-हक धावबाद झाला. त्यामुळे इंग्लिश संघाला सलग दुसरा विजय मिळवण्यासाठी ३०० चेंडूत २८५ धावांची गरज आहे.
आजच्या सामन्यासाठी अफगाणिस्तानचा संघ -
हशमतुल्ला शाहिदी (कर्णधार), रहमानउल्ला गुरबाज (यष्टीरक्षक), इब्राहिम झादरान, रहमत शाह, मोहम्मद नबी, इक्रम अलीखिल, अजमतुल्ला उमरझाई, राशिद खान, मुजीब उर रहमान, नवीन-उल-हक, फजलहक फारुकी.
आजच्या सामन्यासाठी इंग्लंडचा संघ -
जोस बटलर (कर्णधार), डेव्हिड मलान, जो रूट, हॅरी ब्रूक, जॉनी बेअरस्टो, लियाम लिव्हिंगस्टोन, सॅम करन, ख्रिस वोक्स, आदिल राशिद, मार्क वुड, रीस टोपली.
Web Title: Afghanistan set England a target of 285 runs in ENG vs AFG match in ICC ODI World Cup 2023
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
