दुबई, आशिया चषक 2018 : भारताने आशिया चषक स्पर्धेच्या सुपर फोर गटातील सामन्यात पाकिस्तानवर दणदणीत विजय मिळवून अंतिम फेरीत प्रवेश निश्चित केला आहे. रविवारी झालेल्या सामन्यात रोहित शर्मा आणि शिखर धवन यांनी वैयक्तिक शतकी खेळी करून भारताला 9 विकेट व 63 धावा राखून विजय मिळवून दिला. पाकिस्तानचे 238 धावांचे लक्ष्य भारताने 39.3 षटकांत 1 विकेटच्या मोबदल्यात सहज पार केले.
या विजयाने आनंदीत झालेल्या मुख्य प्रशिक्षक रवी शास्त्री यांनी सामन्यानंतर 'हिटमॅन' रोहित आणि 'गब्बर' धवन यांची मुलाखत घेतली. त्यात त्यांनी प्रश्नांची गुगली टाकताना रोहित व धवनची विकेट घेण्याचा प्रयत्न केला. मात्र, पाकिस्तानच्या गोलंदाजांची सफाईने धुलाई करणाऱ्या या फलंदाजांनी शास्त्री गुरूजींची प्रत्येक गुगली सीमापार पाठवली.
http://www.bcci.tv/videos/id/6510/ravi-shastri-presents-the-hitman-gabbar-show