Bangladesh Test squad for India tour, IND vs BAN: बांगलादेशने भारताविरुद्ध १९ सप्टेंबरपासून होणाऱ्या कसोटी मालिकेसाठी आपला संघ जाहीर केला आहे. या दोन सामन्यांच्या मालिकेसाठी १६ खेळाडूंना संघात स्थान देण्यात आले आहे. संघाचे नेतृत्व नझमुल हसन शांतोकडे असणार आहे. बांगलादेश संघाने नुकताच पाकिस्तानविरुद्ध २-० असा ऐतिहासिक कसोटी मालिका विजय नोंदवला. त्या दौऱ्यावर गेलेल्या सर्व खेळाडूंनी जबरदस्त कामगिरी केली होती. त्यामुळे संघात फारसा बदल न करता संघ उतरवला आहे. वेगवान गोलंदाज शरीफुल इस्लाम दुखापतग्रस्त झाला असल्याने त्याच्या जागी झाकेर अलीचा संघात समावेश करण्यात आला आहे.
बांगलादेशच्या संघात कुणाकुणाचा समावेश?
पाकिस्तान दौऱ्याप्रमाणेच झाकीर हसन आणि शादमान इस्लाम भारताविरुद्ध ओपनिंग करतील. कर्णधार नजमुल शांतो बांगलादेशसाठी तिसऱ्या क्रमांकावर फलंदाजी करेल. संघात मोमिनुल हक, मुशफिकुर रहमान आणि महमुदुल हसन जॉय यांचा फलंदाज म्हणून समावेश आहे, तर लिटन दास यष्टीरक्षण करताना दिसेल. शरीफुल इस्लामच्या जागी आलेला झाकेर अली संघाचा पर्यायी यष्टीरक्षक फलंदाज असेल.
शाकिब अल हसन आणि मेहदी हसन मिराज हे अनुभवी फिरकी अष्टपैलू म्हणून राहतील. तस्किन अहमद, हसन महमूद, खालिद अहमद आणि नाहिद राणा हे संघाचे चार प्रमुख वेगवान गोलंदाज असतील. याशिवाय नईम हसन आणि तैजुल इस्लाम हे आणखी दोन फिरकीपटूही संघात आहेत.
Web Title: Bangladesh announce Test squad for India tour two match test series Nazmul Hasan Shanto Shakib al Hasan Litton das Ind vs Ban Test Series
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
