प्रोव्हीडन्स - शिमरॉन हेटमेयरच्या शतकी खेळीच्या जोरावर वेस्ट इंडिजने दुस-या वन डेत बांगलादेशला तीन धावांनी नमवले. अखेरच्या चेंडूपर्यंत रंगलेल्या थरारक लढतीत विजय मिळवून वेस्ट इंडिजने तीन सामन्यांच्या मालिकेत 1-1 अशी बरोबरी मिळवली आहे.
अखेरच्या षटकात बांगलादेशला विजयासाठी आठ धावांची आवश्यकता होती, परंतु जेसन होल्डरने चारच धावा देताना विंडीजच्या विजयावर शिक्कामोर्तब केले. वेस्ट इंडिजच्या 271 धावांचा पाठलाग करताना बांगलादेशला 6 बाद 268 धावा करता आल्या. हेटमेयरने 93 चेंडूंत 7 षटकार आणि 3 चौकार लगावत 125 धावा कुटल्या. त्याला रोव्हमन पॉवेलने 44 धावा करून चांगली साथ दिली.
बांगलादेशकडून तमीम इक्बाल (54), शकिब अल हसन ( 56), मुश्ताफिकुर रेहमान ( 68) आणि महमदुल्लाह (39) यांनी उपयुक्त खेळ केला. मात्र, त्यांना विजयाने हुलकावणी दिली.
Web Title: Bangladesh vs West Indies: west indies beat Bangladesh in a thrilling match
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
