Ben Stokes on Virat kohli's message : इंग्लंडचा अष्टपैलू खेळाडू बेन स्टोक्स हा अखेरचा वन डे सामना खेळण्यासाठी आज मैदानावर उतरला आहे. सोमवारी त्याने आंतरराष्ट्रीय वन डे क्रिकेटमधून निवृत्ती घेतली आणि त्यावेळी भारताचा स्टार फलंदाज व माजी कर्णधार विराट कोहली ( Virat Kohli) याने त्याचे कौतुक केले. विराटने ट्विट करून म्हटले होते की, '' मी खेळलेल्या प्रतिस्पर्धींपैकी सर्वात आव्हानात्मक प्रतिस्पर्धी तू आहेस. आदर.'' दक्षिण आफ्रिकेविरुद्धच्या आजच्या सामन्यात मैदानावर उतरण्यापूर्वी स्टोक्सने त्यावर प्रतिक्रिया दिली.
३१ वर्षीय स्टोक्सने २०११मध्ये आयर्लंडविरुद्ध वन डे क्रिकेटमध्ये पदार्पण केले आणि १०४ सामन्यांत त्याच्या नावावर तीन शतकांसह २९१९ धावा व ७४ विकेट्स आहेत. आज दक्षिण आफ्रिकेविरुद्धच्या सामन्यापूर्वी स्टोक्स म्हणाला, व्यग्र वेळापत्रक लक्षात घेता वैयक्तिक मला तीनही फॉरमॅटमध्ये खेळत राहणे शक्य नाही. त्यामुळे मी हा निर्णय घेतला. या निर्णयाबाबत माझ्या मनात कोणतेही संभ्रम नाही. भारताविरुद्धच्या पहिल्या वन डे सामन्यानंतर मी जोस बटलरसोबत चर्चा केली आणि त्याच्यासोबतच्या पाच मिनिटांच्या चर्चेत मी त्याला सांगितले की मी 100 टक्के योगदान देऊ शकत नाही. मला देशासाठी 140-150 कसोटी सामने खेळायचे आहेत.''
विराट कोहलीबद्दल स्टोक्स म्हणाला...
मला विराट कोहली आवडतो. तो सर्व फॉरमॅटमधील महान खेळाडूंपैकी एक आहे. प्रत्येकवेळी त्याच्याविरुद्ध खेळायला आवडले. त्याची ऊर्जा व वचनबद्धता याचे मला नेहमी अप्रूप वाटते. जेव्हा तुम्ही अशा खेळाडूविरुद्ध खेळता तेव्हा टॉप क्लास काय असतो याची जाणीव होते. I Love Virat Kohli!
Web Title: Ben Stokes on Virat kohli's message "I love Virat Kohli, he will go down as one of the greatest players of all time - I love each and every minute I played against him, the energy he brings, I admire him a lot".
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
