Commonwealth Games 2022 India Women vs Australia Women : बेथ मूनी व कर्णधार मेग लॅनिंग यांनी भारतीय गोलंदाजांचा चांगला समाचार घेतला, परंतु राधा यादवने अप्रतिम रन आऊट व सुरेख झेल टिपून पुनरागमन करून दिले. रेणुका सिंग ठाकूरने पुन्हा एकदा उल्लेखनीय कामगिरी करताना ऑसींच्या धावगतीवर लगाम लावण्याचा प्रयत्न केला. पण, बेथ मूनी ऐकायला तयार नव्हती, तिने अर्धशतकी खेळी करून भारतासमोर तगडे आव्हान उभे केले. दीप्ती शर्माने अफलातून झेल घेत मूनीला बाद केले.
धक्कादायक! ऑस्ट्रेलियाने कोरोना पॉझिटीव्ह खेळाडूला मैदानावर उतरवले, Live मॅचमध्ये सत्य समोर आले
ऑस्ट्रेलियाने नाणेफेक जिंकून प्रथम फलंदाजीचा निर्णय घेतला आहे. २.२ षटकात रेणूकाच्या गोलंदाजीवर एलिसा हिलीसाठी LBW ची जोरदार अपील झाले. चेंडू पॅडच्या वरच्या बाजूला लागलेला दिसत होता, तरीही २ सेकंद शिल्लक असताना हरमनप्रीत कौरने DRS चा निर्णय घेतला आणि तो योग्य ठरला. एलिसाला ७ धावांवर माघारी जावे लागले. ऑस्ट्रेलियाला ९ धावांवर पहिला धक्का बसला. पत्नीला चिअर करण्यासाठी मिचेल स्टार्क स्डेडियमवर आला, पण रेणुका सिंगने एलिसाची विकेट घेऊन त्याला निराश केले.
Radha Yadav's diving catch 🔥😍#INDvsAUSpic.twitter.com/TmhAVJVjLD— Female Cricket #B2022 (@imfemalecricket) August 7, 2022