भारतीय संघाचा माजी फिरकीपटू अनिल कुंबळे (Anil Kumble Birthday) याचा ५१ वा वाढदिवस आहे. या पार्श्वभूमीवर बीसीसीआयनं (BCCI) अनिल कुंबळेच्या कसोटी सामन्यात १० विकेट्स घेतलेला एका जुना व्हिडीओ (Anil Kumbles 10 Wicket Haul) शेअर केला आहे. अनिल कुंबळेनं १९९९ मध्ये पाकिस्तान विरोधात दिल्ली येथील कसोटी सामन्यात हा विक्रम केला होता. कसोटी सामन्यात १० विकेट्स घेणारा दुसरा खेळाडू ठरला होता. यापूर्वी इग्लंडच्या जिम लेकर यांनी ऑस्ट्रेलियाविरोधात १९५६ मध्ये झालेल्या सामन्यात १० विकेट्स घेऊन हा विक्रम केला होता.
BCCI नं कुंबळेचा जुना व्हिडीओ शेअर केला आहे. "४०३ आंतरराष्ट्रीय सामने, ९५६ विकेट्स, कसोटी सामन्यात एका डावात १० विकेट्स घेणारा दुसरा गोलंदाज. टीम इंडियाचा माजी कर्णधार अनिल कुंबळे याला वाढदिवसाच्या शुभेच्छा. पाकिस्तान विरोधातील त्यांच्या १० विकेट्स हॉल पुन्हा पाहूया," असं कॅप्शनही त्यांनी दिलं आहे.